![Heyvandarlığın cins tərkibinin yaxşılaşdırılması üçün 15 mln manat ayrılıb](https://turan.az/resized/media/2015/main/082000126901-750-500-resize.webp)
Heyvandarlığın cins tərkibinin yaxşılaşdırılması üçün 15 mln manat ayrılıb
Dövlət başçısı avqustun 19-da heyvandarlığın cins tərkibinin yaxşılaşdırılmasına dəstək üçün sərəncam imzalayıb.
Azərbaycan Respublikası Prezidentinin ehtiyat fondundan “Aqrolizinq” ASC-yə (http://ru.president.az/articles/16000) 15 milyon manat ayrılıb. Bu vəsaitlə ölkəyə iribuynuzlu damazlıq heyvanları idxal ediləcək və 50 faiz güzəştlə lizinq yolu ilə fermerlərə satılacaq.
Başqa bir sərəncamla (http://ru.president.az/articles/16001) süni mayalanma yolu ilə alınmış hər baş buzova görə heyvan sahiblərinə 100 manat həcmində subsidiya müəyyən edilib. Nazirlər Kabineti subsidiyanın verilməsi qaydasını iki ay müddətində müəyyən etməlidir.
Kənd Təsərrüfatı Nazirliyində Turan-a deyiblər ki, 2009-2014-cü illərdə dövründə “Aqrolizinq“ ASC vasitəsilə respublikaya 11645 baş damazlıq heyvan gətirilib və kənd təsərrüfatı məhsulları istehsalçılarına güzəştlə lizinqə verilib. Amma cins heyvanların keyfiyyət artımı yüksək deyil. Bu heyvanlar 6,9 min artaraq 18,5 min başa çatıb.
Təkcə 2014-cü ildə “Aqrolizinq” ASC dövlət büdcəsindən cins tərkibinin yaxşılaşdırılması üçün 23,5 mln manat alıb. Fermerlər və heyvandarlıq kompleksləri bu heyvanları “Aqrolizinq”dən 50% güzəştlə alır. KTN-in Süni Mayalama Mərkəzinə 2014-cü ildə 1,5 mln manat ayrılıb.
Ağcabədi rayonundakı “Aqat-aqro” MMC, Bərdə rayonundakı “Qarabağ aqrar-sənaye kompleksi” MMC, Ağdaş rayonundakı “Türyançay fermer təsərrüfatı”, Ağdam rayonundakı “Qara inək” kəndli-fermer təsərrüfatı, “Azərsun” şirkətinin Biləsuvar rayonundakı heyvandarlıq kompleksi və digər təsərrüfatlar “Aqrolizinq” ASC vasitəsilə ölkəyə idxal olunan damazlıq düyələr hesabına komplektləşdirilib.
2014-cü ildə zootexniklər 98,6 min baş inəyin süni mayalanmasını təmin edib. Süni mayalanma yolu ilə 71 098 baş buzov əldə edilib. --08D—
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz