Xədicə İsmayılovanın məhkəmə prosesində prokuror çıxış edəcək
Bu gün Bakı Ağır Cinayətlər Məhkəməsində hakim Ramella Allahverdiyevanın sədrliyi ilə Xədicə İsmayılovanın işi üzrə məhkəmə prosesi davam edib.
Bugünkü iclasda Bakı Vergilər Departamentinin müfəttişi İmran Nurməmmədov ifadə verib. O, avqustun 19-da ifadə verməyə başlasa da iş günü bitdiyindən dindirilmə yarımçıq saxlanılıb.
Vergi Departamentinin əməkdaşları müdafiə tərəfinin vəsatəti əsasında dindirilir.
Məhkəmə yenə yarıqapalı şəkildə davam edir.
Müstəqil jurnalistlər məhkəmə zalına buraxılmayıblar.
Diplomatik nümayəndəlikdən Böyük Britaniyanın və Avropa İttifaqının nümayəndələri zala buraxılmayıb.
İ.Nurməmmədov ifadəsində bildirib ki, “Azadlıq” radiosunun Bakı Bürosuna vəsaitlər daxil olsa da onun xərclənmə təyinatları göstərilməyib. Yəni, daxil olan vəsaitin hansı məqsədlə və hansı işlərə yönəlməsi ilə bağlı sənədlər olmayıb.
O əlavə edib ki, 2008-ci il ərzində radionun Bakı bürosu lisenziya olmadan qanunsuz fəaliyyət göstərib. Bu da qanunsuz sahibkarlıq fəaliyyəti kimi dəyərləndirilir.
İ.Nurməmmədov X. İsmayılovanın sualına cavabında qeyd edib ki, o, büro rəhbəri kimi həmin dövrə təsadüf edən qanun poruntularına görə cavabdehlik daşıyır.
Aralıq aktını hazırlamış digər mütəxəssis Elçin Əliyev də ifadə verərək aktda vergi və maliyyə pozuntuları ilə bağlı qeyd olunanları təsdiq etdiyini deyib.
X. İsmayılova bu gün bir daha onu tutmaqda məqsədin İ.Əliyevin ailə biznesinə qarşı araşdırmanın qarşısını almaq olduğunu xatırladıb.
Şahid ifadələri dindirildikdən sonra vəkil Fariz Namazlı aralıq aktının sübutlar siyashısından çıxarılması ilə bağlı vəsatət qaldırıb.
Vəkil hesab edir ki, səyyar vergi yoxlamaları başa çatmadan X.İsmayılova ilə bağlı rəy vermək doğru deyil.
Qanunvericilikdə isə umumiyyətlə “aralıq aktı”anlayışı yoxdur.
Dövlət ittihamçısı Ramazan Hadıyev bildirib ki, aralıq aktı qanunvericiliyin tələblərinə tam uyğun olaraq tərtib edilib və dəqiq aparılıb. Ona görə də sübutlar siyahısından çıxarılması üçün heç bir əsas yoxdur. O, vəsatətin təmin olunmamasını istəyib.
Hakim də vəkilin bu vəsatətini təmin etməyib.
Daha sonra X. İsmayılova məhkəmədə yazılan protokolla tanış olmaq üçün şərait yaradılmasını xahiş edib.
Lakin hakim bu vəsatəti də təmin etməyib.
Bundan sonra hakim R. Allahevrdiyeva məhkəmə istintaqının başa çatdığını elan edib. Tərəflər buna etiraz etməyiblər.
Sonda dövlət ittihamçısı hakimdən çıxış üçün vaxt istəyib. -16d-
-
- İqtisadiyyat
- 20 Avqust 2015 15:11
-
- İqtisadiyyat
- 20 Avqust 2015 16:24
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz