Hökumət 3 yeni beynəlxalq layihənin icrasına başlayıb

2015-ci ildə hökumət dövlət zəmanətli üç yeni beynəlxalq layihənin icrasına başlayıb. İqtisadiyyat Nazirliyinin məlumatına görə, 2015-ci ildə 14 beynəlxalq maliyyə institutunun maliyyələşdirdiyi 41 layihənin icrası davam etdirilib. Bu kreditlərin ümumi məbləği 7.620 mlrd ABŞ dollarıdır. İqtisadiyyat Nazirliyi hökumətin adından imzalanan kredit müqavilələri haqda müfəssəl informasiya vermir.

Bu kreditlərin 55,5%-dən 12 nəqliyyat layihəsinin həyata keçirilməsi üçün istifadə edilir. Dövlətin aldığı kreditlərin 25,5%-i su təchizatı və kanalizasiya xidmətləri (11 layihə) üçün ayrılıb.

Beynəlxalq kreditlərlə 4 enerji (ümumi kreditlərin 10,5%-i), 5 kənd təsərrüfatı (4,5%) layihəsi və s icra edilir. Donorlar Dünya Bankı - 8 layihə (19.3%), Asiya İnkişaf Bankı - 4 layihə (5.4%), Avropa Yenidənqurma və İnkişaf Bankı - 1 layihə (9.8%), JİCA - 2 layihə (7.6%), Almaniyanın KfV Bankı - 4 layihə (2.7%) və s-dir.

2015-ci ildə 4 beynəlxalq layihənin icrası başa çatıb.

Beynəlxalq kreditlər üçün dövlət zəmanəti Nazirlər Kabinetinin sərəncamı ilə verilir. 2012-ci ilin sonundan hökumət bu sənədləri ictimaiyyət üçün açıqlamır. Bu, dövlət büdcəsi vəsaitlərinin ölkədən kənarda Meksikada, Cənub-Şərqi Asiyada  Heydər Əliyev Fondunun təbliğatı üçün xərcləndiyi haqda məlumatlar yayılandan sonra baş verdi. 08B