«Məxfi» qrifli lotereya biznesi

İqtisadiyyat Nazirliyi “Azərlotereya” ASC-nin 2015-ci ildəki fəaliyyəti ilə bağlı hesabat açıqlayıb. 2000-ci ildən bu yana ilk dəfə hesabatda lotereya inhisarçısının təsərrüfat fəaliyyəti haqda məlumat yoxdur.

Hesabatda 2015-ci ildə keçirilən lotereya oyunların sayı barədə informasiya da verilmir. Əşya uduşları (156 avtomobil), “TOPAZ” (927 min ədəd) şəbəkəsində və onlayn (144,6 min ədəd) satılan lotereyaların sayı barədə məlumat verilir. Avtomobillərin alınmasına 2 mln manatdan çox vəsait xərclənib.  

“Azərlotereya” ASC-də böhranlı 2015-ci ildə lotereya biznesinin nəticələri barədə məlumat verməkdən imtina ediblər. Yalnız onu deyiblər ki, bu cür informasiya auditor yoxlaması başa çatandan sonra veriləcək.

2014-cü ildə “Azərlotereya” ASC 27 888 818 ədəd tirajlı və ani lotereya satılıb. SC-nin gəlirləri depozitlər üzrə faizlər nəzərə alınmaqla 29 mln 236,7 min manat təşkil edib. 08D