Nazirlər Kabinetinin qərarı ilə “Azərbaycan Beynəlxalq Bankı” ASC-nin problemli aktivlərinin əvəzində əldə edilmiş əmlakların satılması və kənar idarəçilərə idarəetməyə verilməsi üzrə Müsabiqə Komissiyası yaradılıb. 5,6 mlrd manat qiymətləndirilən aktivlər prezidentin qərarı ilə 2015-ci ilin iyulundan “Aqrarkredit” Qapalı Səhmdar Cəmiyyəti Bank olmayan Kredit Təşkilatına idarəetməyə verilib.
Komissiyanın sədri maliyyə nazirinin müavini, ABB Müşahidə Şurasının sədri Azər Bayramov təyin edilib.
Müsabiqə Komissiyası təkliflər əsasında əmlakların satılması və kənar idarəçilərə idarəetməyə verilməsi barədə qərar qəbul edəcək. Satış barədə qərar qəbul ediləndə start qiymətini nüfuzlu müstəqil qiymətləndirici müəyyən edəcək. Satış hərrac yolu ilə olacaq. Komissiya muzdla kənar məsləhətçinin cəlb edilməsi barədə qərar qəbul edə bilər.
Müsabiqə Komissiyası əmlakların kənar idarəçilərə verilməsi mexanizmi və şərtlərini müəyyən etməlidir.
Qeyd edək ki, 2015-ci ilin əvvəlində bir neçə milyon, hətta yüz milyonlarla manat təminatsız kreditlərin verilməsi, bankın resursların talan edilməsi faktı üzrə ABB ətrafında qalmaqal başlayıb. Hazırda bankın sabiq sədri Cahangir Hacıyev həbsdə, həyat yoldaşı isə axtarışdadır. 08D
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz