AZAL Bakıda "Formula 1" yarışları zamanı fəaliyyəti barədə hesabat verib

İyunun 10-dan 22-dək Bakıda "Formula 1" Avropa Qran-Pri yarışına hazırlıq və yarışın keçirilmə müddətində Heydər Əliyev Beynəlxalq Hava Limanı 118 mindən çox sərnişinə və 640-dan çox reysə xidmət göstərib. Bu barədə AZAL aviaşirkətinin press-relizində bildirilir.

Gələn sərnişinlərin sayı 41 min nəfərdən çox olub. Həmçinin 758 sərnişin ilə 6 çarter reysi yerinə yetirilib. Aviaşirkət gələn əcnəbilərin sayı barədə məlumat vermir.

Bu müddət ərzində 372 sərnişinə xidmət göstərən 99 biznes aviasiya reysi (Business Aviation) yerinə yetirilib.

“Formula 1” yarışının Avropa mərhələsinin iştirakçılarının Bakıya gəlməsinin ən pik günləri iyunun 14-ü və 16-ı olub. Hər gün Bakıya 6 minə yaxın sərnişin gəlib.

Yarış müddətində Silk Way West Airlines, Cargolux və Nippon Cargo Airlines yük aviaşirkətləri bolid və digər “Formula 1” avadanlıqları ilə 7 çarter və 1 part-çarter reysi yerinə yetirib. Yükdaşımalarının dövriyyəsi 1.6 milyon kiloqramdan artıq təşkil edib.

Qeyd edək ki, Dövlətstatkoma görə, 5 ayda Azərbaycan aviaşirkətləri 627,0 min sərnişin daşıyıb. Bu, 2015-ci ilin eyni dövründəkindən 0,1 faizdır.

Xarici aviaşirkətlərin daşımaları nəzərə alınmqla Azərbaycanın hava limanlarında (Bakı, Gəncə, Naxçıvan, Qəbələ və Lənkəran) xidmət göstərilən sərnişin sayı barədə məlumat verilmir.   08D