Əmək və Əhalinin Sosial Müdafiəsi Nazirliyi ünvanlı sosial yardım alan ailələrin siyahısını açıqlayıb. Hökumət vətəndaşlardan aztəminatlı olmayan, lakin ünvanlı yardım təyin olunmuş ailələrin müəyyən edilməsi üçün kömək istəyir.
Bir il müddətinə sosial yardım təyin edilən aztəminatlı ailələrin siyahısı ərazi prinsipi ilə hazırlanıb. Orda yardım alan ailə, yardımın müddəti və aylıq məbləği göstərilib. Ünvanlı dövlət sosial yardımları təyin olunmuş vətəndaşların adlı siyahıları Nazirliyin sosial müdafiəsi mərkəzlərinin inzibati binalarının məlumat lövhələrində yerləşdirilib.
Azərbaycanda ünvanlı sosial yardım 2006-cı ildən verilir. Müxalifət, QHT və KİV-lər yardım edilən ailələrin açıqlanmasını və şəffaflığını tələb edirdi. Amma hökumət buna zərurət olmadığını bildirirdi.
«Artıq hər bir vətəndaş yaşadığı ərazi üzrə kimlərin ünvanlı dövlət sosial yardımı aldığını müəyyən edə bilər. Vətəndaşlardan xahiş olunur ki, qeyd edilən siyahılarla tanış olaraq, aztəminatlı olmayan, lakin ünvanlı yardım təyin olunmuş ailələrlə bağlı nazirliyə məlumat versinlər”, deyə Əmək və Əhalinin Sosial Müdafiəsi Nazirliyində Turan-a bildiriblər.
Bu il oktyabrın 1-i üçün 134,7 min ailə (592,4 min nəfər) ünvanlı sosial yardım alır. Hər ailə üzvünə ayda 28 manat verilir. 08D
İqtisadiyyat
-
Bakının ictimai avtobuslarında istifadə olunan, mobil telefon tətbiqi və M10 proqramı ilə aktivləşdirilən QR-kod vasitəsilə həyata keçirilən ödəniş üsulu sərnişinlər üçün çətinliklər yaradır, iqtisadçı Samir Əliyev Facebookda bildirib.
-
Gələn ildən etibarən Azərbaycan hökuməti, yerli məhsulları xaricə ixrac edən, lakin qazandıqları gəlirin bir hissəsini ölkəyə qaytarmayan sahibkarlara münasibətdə yeni siyasət həyata keçirəcək. Bu məsələ xüsusilə Rusiyada satılan Azərbaycan pomidorlarına aiddir. Milli Bankın sədri Taleh Kazımovun sözlərinə görə, belə sahibkarların cəzalandırılması ilə bağlı qərarlar gəlirin geri qaytarılmamasının səbəbləri dərindən araşdırılmadan qəbul edilməyəcək.
-
Nazirlər Kabineti dövlət büdcəsi hesabına maliyyələşdirilən büdcə sahəsi işçilərinin aylıq əməkhaqqının müəyyən edilməsi üçün yeni Vahid Tarif Cədvəlini təsdiqləyib. Bu qərar, 26 dekabr 2024-cü ildən qüvvəyə minən 540 nömrəli Qərarda əks olunub və dövlət sektorunda əməkhaqqının standartlaşdırılmasına yönəlib.
-
Dekabrın 27-də Azərbaycan Prezidenti İlham Əliyev Azərbaycan Sənaye Korporasiyasının (ASK) ləğv edilməsi və əsas aktivlərinin Azərbaycan İnvestisiya Holdinqinə (AİH) verilməsi barədə sərəncam imzalayıb. Bu qərar dövlət müəssisələrinin idarə edilməsini təkmilləşdirmək üçün mühüm addım olaraq qəbul edilir. Qərar dərhal qüvvəyə minir və tənzimləmə məsələlərinin həlli ilə yanaşı, əməliyyatların səmərəliliyini artırmağı hədəfləyir.
Rəy yaz