![Hökumət elektron satınalmaların ikinci mərhələsini başlamır](https://turan.az/resized/750/500/resize/media/2013/main/040200033163.jpg)
Hökumət elektron satınalmaların ikinci mərhələsini başlamır
Azərbaycanda dövlət satınalmaları köhnə, kağız formatı ilə həyata keçirilir və elektron satınalmalara nə vaxt keçiləcəyi bəlli deyil. Azərbaycan nadir ölkələrdəndir ki, elektron rejimdə satınalmalara çıxış yoxdur.
Elektron satınalmalara keçid 4 mərhələdə keçirilməlidir. Satınalmalar üzrə Dövlət Agentliyi (SDA)hələlik ilkin mərhələni başa çatdırıb: tender elanları tender.gov.az veb-portalda dərc edilir. 2012-ci ilin fevralında SDA elektron satınalma sisteminin növbəti 2-ci və 3-cü mərhələlərin tətbiqi üçün təqribi xərclər smetası hazırlamaq təklifi ilə Nazirlər Kabinetinə müraciət edib. Bu mərhələlərdə şərtlər toplusunun elektron formada rəsmi internet saytından əldə olunması, tender təkliflərinin elektron formada təqdim edilməsi nəzərdə tutulur. Hökumət hələ susur. Dördüncü mərhələ tenderin nəticələrinin elektron qiymətləndirilməsini nəzərdə tutur.
Ermənistan elektron dövlət satınalmalarına keçidi 2012-ci ilin oktyabrında başa çatdırıb.
Azərbaycanda dövlət satınalmalarının həcmi 4 mlrd manatı keçir. 2012-ci ildə 14 mindən çox satınalma proseduru olub. 08B
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz