Vergilər Nazirliyindəki mənbə Turan-a bildirib ki, hüquqi şəxslərin ləğvi və yenidən təşkilinin mexanizmi üzrə qanun layihəsi Milli Məclisə təqdime dilib.
«Hüquqi şəxslərin dövlət qeydiyyatı və dövlət reyestri haqqında» AR qanununa əlavə və düzəlişlər haqqında qanun layihəsi Vergilər Nazirliyi, Ədliyyə Nazirliyi və maraqlı tərəflərin iştirakı ilə hazırlanıb. Qanun layihəsində hüquqi şəxslərin ləğvi və yenidən təşkilinin mexanizmindən söhbət gedir.
2011-ci ilin dekabrında Konstitusiya Məhkəməsi “Mingəçevir Təmir Tikinti” ASC-nin ümumi yığıncağının onun məhdud məsuliyyətli cəmiyyətə çevrilməsi barədə qərarını qanuni sayıb. Bir sıra səhmdarlar ümumi yığıncağın onların mülkiyyət hüququnu pozması ilə bağlı məhkəməyə müraciət etmişdi. Çünki iradələrinə zidd olaraq yenidən təşkil edilən hüquqi şəxsdə pay sahibi olmuşdular. Konstitusiya Məhkəməsi Milli Məclisə tövsiyə edib ki, ASC-lərin MMC-yə çevrilməsinin bütün mərhələlərini aydın göstərən qanunvericilik norması hazırlasın.
Vergilər Nazirliyində Turan-a bildiriblər ki, qanun layihəsində kommersiya hüquqi şəxslərin ləğvi və yenidən təşkili zamanı qiymətli kağızların dövriyyədən çıxarılması mexanizmi əksini tapsın. 08B
İqtisadiyyat
-
Şimali Makedoniya Prezidenti Gordana Silyanovska-Davkova Bakıya səfəri çərçivəsində Azərbaycan Dövlət Neft Şirkəti SOCAR və Şimali Makedoniyanın ECM şirkəti cümə axşamı əməkdaşlıq haqqında memorandum imzaladılar, Turan-a məlumatlı mənbə bildirdi.
-
Bugünlərdə Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində "Pambıqdan geyimə dəyər zəncirinin karbonsuzlaşdırılması və iqlimə uyğunlaşdırılması" mövzusunda müzakirələr keçirilib. Orada digər məsələlərlə yanaşı, Azərbaycanda pambıqçılığın vəziyyəti də müzakirə olunub.
-
Azərbaycan, inkişaf edən və inkişaf etmiş ölkələrdən, habelə azı 10 ölkənin dövlət və özəl sektor nümayəndələrindən, ümumi büdcəsi 1 milyard ABŞ dolları olan İqlim Maliyyə Fəaliyyət Fondu (CFAF) üzrə səhmdar kimi iştirakla bağlı əhəmiyyətli maraq cəlb edib. CFAF Azərbaycanın COP29-da təqdim etdiyi 14 əsas təşəbbüsdən biridir, bunu Azərbaycan Respublikasının COP29 üzrə baş danışıqlar aparıcısı və xarici işlər nazirinin müavini Yalçın Rəfiyev çərşənbə axşamı mətbuat konfransında bildirib.
-
Azərbaycan hökuməti OPEC Fonduna bir sıra bərpa olunan enerji layihələrinin, o cümlədən dəniz külək enerjisinin inkişafı, "yaşıl enerji dəhlizi" təşəbbüsləri və SOCAR-ın Birləşmiş Ərəb Əmirliklərindən Masdar şirkəti ilə birgə həyata keçirməyi planlaşdırdığı 1 QVt gücündə layihənin maliyyələşdirilməsində iştirak etməyi təklif edib.
Rəy yaz