Azərbaycanın Maliyyə Bazarlarına Nəzarət Palatasının qərarlarının heç bir qanuni qüvvəsi yoxdur. Bu haqda bu gün vəkil Əkrəm Həsənov mayın 4-də qəbul edilən kreditləşmənin çərçivə şərtləri barədə qərarı şərh edərkən bildirib. Bu qərar mayın 6-dan qüvvəyə minir.
Ə.Həsənovun fikrincə, hələlik Palatanın kredit təşkilatları üçün hər hansı qayda qəbul etməyə heç bir səlahiyyəti yoxdur
“Belə ki, Palatanın Nizamnaməsinə əsasən onun Direktorlar Şurası nəzarət etdiyi subyektlər üçün qaydaları normativ xarakterli akt formasında qəbul etməlidir. Həmin aktlar dövlət reyestrinə (http://www.huquqiaktlar.gov.az/) daxil edilməlidir.Lakin sözügedən reyestrdə Palatanın hələlik bir qərarı belə yoxdur”, - hüquqşünas bildirib.
Bundan əlavə, “Normativ hüquqi aktlar haqqında” konstitusiya qanununda normativ xarakterli akt qəbul edə bilən qurumlar sadalanıb. Palatanın adı orada hələlik yoxdur.
Palata öz qərarlarını press-relizlər formasında təqdim edir.
“Hesab edirəm ki, banklar bu qərarlara riayət etməyə məcbur deyil və istisna deyil ki, sərf etmədikdə əməl etməyəcəklər də. Buna görə də Palata tezliklə öz səlahiyyətlərinin legitimliyinə nail olmalıdır”, - Ə.Həsənov qeyd edib.
Palata hələlik yaranmış vəziyyəti şərh etmir. 08D
İqtisadiyyat
-
Prezident İlham Əliyev 27 dekabrda 2025-ci il Dövlət Sosial Müdafiə Fondu büdcəsi haqqında qanunun tətbiqi barədə fərman imzalayaraq, fondun maliyyə çərçivəsinin səmərəli icrasını təmin etmək üçün tədbirlər müəyyən etdi.
-
Azərbaycan Respublikasının Prezidenti İlham Əliyev, Milli Məclis tərəfindən 16 dekabr 2024-cü ildə təsdiq edilmiş 98-VIIQD nömrəli qanuna əsasən, ölkənin Vergi Məcəlləsinə edilən dəyişikliklərin tətbiqi ilə bağlı fərman imzalayıb. Cümə günü dərc olunan fərman, vergi inzibatçılığının optimallaşdırılması və yenilənmiş qanunvericilikdə nəzərdə tutulan hüquqi çərçivənin gücləndirilməsi məqsədi daşıyır.
-
Azərbaycan parlamenti 2025-ci il üçün yaşayış minimumunu müəyyən edən qanunu təsdiqləyib, müxtəlif demoqrafik qruplar üçün konkret məbləğlər ayrılıb. Prezident İlham Əliyev tərəfindən 16 dekabrda imzalanan qanun 2025-ci il yanvarın 1-dən qüvvəyə minəcək. Prezidentin fərmanı 27 dekabrda dərc edilib.
-
Azərbaycan Prezidenti 27 dekabr 2024-cü il tarixində dövlət xərclərinin bölüşdürülməsi və icrasını nizamlayan "2025-ci il Dövlət Büdcəsi Qanunu"nun tətbiqi ilə bağlı fərman imzalayıb. 93-VIIQ nömrəli qanun çərçivəsində kodlaşdırılan qanunvericilik, müdafiə, təhsil, səhiyyə və infrastruktur sahələrindəki strateji prioritetləri əks etdirən müxtəlif sektorlara aid ətraflı büdcə təxsisatlarını müəyyən edir.
Rəy yaz