İcbari Sığorta Bürosuna daha bir üzv qəbul edilib

"Qala Həyat" Sığorta Şirkəti ASC İcbari Sığorta Bürosunun 14-cü üzvü olub. 

İSB-nin saytında deyilir ki, 19 fevralda "Paşa Həyat Sığorta" da üzv qəbul edilib.

"Qala Həyat" sığorta şirkəti Maliyyə Nazirliyi Dövlət Sığorta Nəzarəti Xidmətinin №DX-04/03-354, 14.02.2014-cü il tarixli razılıq məktubuna əsasən “İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta” növünü həyata keçirmək üçün 21 fevral 2014-cü il tarixdə İcbari Sığorta Bürosunun iştirakçı sığortaçıların reyestrinə daxil edilib. Büroya üzvlük şirkətə 300 min manata başa gəlib. 

Maliyyə Nazirliyində Turan-a bildiriblər ki, hazırda “Atəşgah Həyat Sığorta”nın sənədlərinə baxılır. Qanunvericiliyə əsasən, istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta xidməti göstərən şirkətlər İSB-yə üzv olmalıdır. 

«Qala Həyat Sığorta» ASC sığorta bazarında 2008-ci ilin iyulundan 5 illik lisenziya ilə fəaliyyət göstərir. Nizamnamə fondu 5 mln manatdır. 

Əvvəllər “Qala sığorta” adlanıb. Onun səhmlərinin sahibləri AzRe təkrarsığorta şirkəti (60%) və bir fiziki şəxs – Nizami Mahmudovdur (40%).  --17D—