İcbari Sığorta Bürosunun ödənişləri

İcbari Sığorta Bürosu vətəndaşın yol-nəqliyyat hadisəsi nəticəsində ağır xəsarət alması ilə əlaqədar 1500 (min beş yüz) manat məbləğində kompensasiya ödənişi həyata keçirib. 

İcbari Sığorta Bürosunun məlumatına görə (http://isb.az/index.php?option=com_content&view=article&id=103%3Acbari-sorta-buerosu-trfindn-30042013-cue-il-tarixd-5-ci-kompensasiya-oednii-hyata-kecirilmidir&catid=2%3A2011-11-10-08-59-24&Itemid=5&lang=az), hadisə 24.05.2012-ci il tarixdə Bakı şəhəri, Xətai rayonu ərazisində baş verib. 

"Kompensasiya ödənişi 30 aprel 2013-cü il tarixində qeyri-nəğd üsulu ilə (poçt vasitəsilə) həyata keçirilib” deyə məlumatda bildirilir. Bu, Büronun beşinci ödənişidir. 

Büronun maliyyə ehtiyatı 1 yanvar 2013-cü il üçün 4 mln 88,67 min manatdır. 

İcbari Sığorta Bürosu 16 dekabr 2011-ci ildə yaradılıb. Hazırda 11 üzvü var.  

  Büronun əsas funksiyası – kompensasiya ödəmələri həyata keçirmək və onların vasitəsilə bu kompensasiyaların ödəniləcəyi müəyyən maliyyə fondunu idarə etməkdir. Kompensasiyalar Büroya üzv olan sığorta şirkətləri müflisləşəcəyi təqdirdə ödəniləcək. 

   Büronun maliyyə vəsaitləri üzvlük haqlarından, hər icbari sığorta növlərinə dair zəmanət depoziti, həmçinin sığorta şirkətlərinin hər ay büroya köçürəcəyi icbari növlərə görə ümumi mükafatların həcminin 5%-dən formalaşır. 

Büronun üzvləri bunlardır: “Azərsıgorta”, AXA MBASK, “Atəşgah”, “Xalq Sığorta”, “Standard İnsurance”, “Paşa Sığorta”, “AzSığorta”, “Meqa Sığorta”, “Ata Sığorta”, “İpək Yolu Sığorta” və “Azərbaycan Sənaye Sığorta”. “Alfa Sığorta” lisenziyadan məhrum edilib. 

“İcbari Sığorta Bürosu İcbari sığorta növləri haqqında» qanun çərçivəsində yaradılıb. AVSMMİS-lə bağlı qanunda bir qəza üzrə sağlamlığa və həyata görə maksimal ödənişin orta Avropa göstəricisi 50 min manatdır (4 sərnişin və 1 sürücü), bir fiziki şəxsin ziyanı 5 min manat, avtomobilə görə 5 min manat ödənilir. 

Qanuna görə, AVSMMİS üzrə ödənişdən imtina etmək olmaz. Hətta sərxoş, hadisə yerindən qaçan və qəsdən qəza törədən  sürücünün hərəkəti nəticəsində ziyan çəkən piyada və ya sərnişin, sürücülük vəsiqəsi olmayan (əgər avtomobilin sahibidirsə) sürücülər kompensasiya ala bilər. 

Avtomobillərin sığortasının qiyməti 1,5 min sm3 üçün (AVSMMİS üzrə) 50 manatdır. Mühərrikin həcmi artanda 1,5 (5 min sm3-ə qədər) və 5 (5 və daha artıq sm3) əmsal artırılır. 

Sərnişin nəqliyyatının avtosalonu və ya yük avtomobilinin tonnajı artanda da baza qiyməti artır. --17D—