İcbari Sığorta Bürosunun üzvləri sığorta haqlarının üçdə ikisini toplayıb

İcbari Sığorta Bürosunun üzvlərinin yanvar-apreldə yığdığı mükafatların minimal həddi 2,4 mln manatdır. Meqa Sığorta məhz bu qədər mükafat toplayıb. Eyni zamanda, şirkət İSB üzvlərinin ən böyük gəlir mənbəyi olan avtonəqliyyat vasitələri sahiblərinin mülki məsuliyyətinin icbari sığortası (yeni AVSMMİS) üzrə xidmət göstərmir. 

Bu müddətdə İSB üzvləri 93,13 mln manat mükafat əldə edib ki, bu da ümumi həcmin (138,71 mln manat) üçdə ikisidir (67,14%). Buraya istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığortanı da əlavə etsək, görərik ki, KTS və КАСКО istisna olmaqla, bazar icbari sığortadan ibarətdir. 

Ödənişlərin nisbətində böyük çəplik var – “elitanın” müştəriləri sığorta hadisələri üzrə 27,42 mln manat (71,8%) əldə ediblər. 

İcbari Sığorta Bürosu 16 dekabr 2011-ci ildə yaradılıb. Hazırda 12 üzvü var.  

  Büronun əsas funksiyası – kompensasiya ödəmələri həyata keçirmək və onların vasitəsilə bu kompensasiyaların ödəniləcəyi müəyyən maliyyə fondunu idarə etməkdir. Kompensasiyalar Büroya üzv olan sığorta şirkətləri müflisləşəcəyi təqdirdə ödəniləcək. 

   Büronun maliyyə vəsaitləri üzvlük haqlarından, hər icbari sığorta növlərinə dair zəmanət depoziti, həmçinin sığorta şirkətlərinin hər ay büroya köçürəcəyi icbari növlərə görə ümumi mükafatların həcminin 5%-dən formalaşır. 

  “İcbari sığorta növləri haqqında» qanun 4 icbari sığorta növünə şamil edilir. Bunlar avtonəqliyyat sahiblərinin mülki məsuliyyətinin icbari sığortası, daşınmaz əmlakın sığortası, daşınmaz əmlak istifadəsi zamanı mülki məsuliyyətin sığortası, sərnişinlərin sığortasıdır.

 Bu zaman qanunun şərtlərinə görə, bu icbari sığorta növlərinə görə xidmətləri ancaq Büro üzvü olan sığorta şirkətləri təqdim edə bilər. --17D—