İdxal vergisindən azad edilən sahələrin siyahısı genişləndirilib

Prezident İlham Əliyev yanvarın 31-də texnikanın, texnoloji avadanlıqların və qurğuların idxalının 2016-cı ildən 7 il müddətinə vergidən azad edildiyi fəaliyyət sahələri siyahısına əlavələri nəzərdə tutan fərman (http://president.az/articles/22625) imzalayıb.

Beləliklə, 1 mln investisiya tələb edən mehmanxana və ona bərabər tutulan yerləşdirmə vasitələrinin, 100 min manat iaşə xidməti obyektlərinin, Abşerondan kənarda 0,5 mln manat tələb edən əyləncə xidməti obyektlərinin tikintisi üçün investisiya təşviqi sənədi almaq olar.

Bundan başqa, investisiya təşviqi Bakıdan, ətrafından və Abşeron rayonundan  kənarda “Hostel” tipli yerləşdirmə vasitələrinin yaradılması və 2 və 3 ulduzlu yerləşdirmə vasitələrinin yaradılmasına tətbiq edilə bilər. Bu obyektlər üzrə investisiya həcmi 100 min manat (hostel) və 2 mln manat (otellər) qiymətləndirilir.

2016-cı ilin aprelində president “İnvestisiyanın həyata keçirildiyi iqtisadi fəaliyyət sahələri, investisiya layihəsinin həcmi ilə bağlı minimal məbləğ və investisiya layihəsinin həyata keçiriləcəyi inzibati ərazi vahidləri” cədvəlini təsdiq edib. Siyahıya (http://ru.president.az/articles/19479) 33 iqtisadi fəaliyyət sahəsi daxil edilib. 08D