Fevralın 1-dən Azərbaycana idxal olunan Aİ-95 Premium və Aİ 98 Super markalı benzinin qiyməti bahalaşıb. Turan-ın məlumatına görə, Aİ-95 Premium benzininin bir litri YDM-də 1,15 manata (10 qəpik bahalaşma), Aİ 98 Super isə 1,20 manata (10 qəpik bahalaşma) satılır.
Qeyd edək ki, Aİ-92 benzininin və L-62 dizel yanacağının qiyməti Tarif Şurası tərəfindən müəyyən olunur və onların qiyməti dəyişməyib.
Amma ekspertlər ümumi qiymət artımının yaxın gələcəkdə Aİ-92-nin də bahalaşmasına gətirib çıxara bilər.
Qeyd edək ki, 2017-ci il yanvarın 13-də Aİ-95 Premium və Aİ 98 Super markalı benzininin qiyməti artıq bahalaşmış, müvafiq olaraq 90 qəpikdən 1,05 manata və 95 qəpikdən 1,10 manata qaldırılmışdı. –71D-
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz