İki bankın səhmləri uğurla yerləşdirilib

Dünən “Kapital Bank”ın səhmləri yerləşdirilməyə başlayıb və 31 sifariş üzrə səhmlərin 99,9%-i alınıb. 

Bakı Fond Birjasının məlumatına görə, mövcud səhmdarların bir hissəsi nominal  qiymətə (10 manat) 69 mln 963 min 50 manatlıq səhm alıb. Beləliklə, 3 695 səhm alıcısını gözləyir. 

Ötən cümə “Azərbaycan Beynəlxalq Bankı” ASC-nin səhmləri yerləşdirilib. 138 əqd üzrə mövcud səhmdarlar (nominal 0,26 manat) 4 mln 176 min 424,98 manatlıq səhm alıb. 

Beləliklə, dekabrın 12-dən ABB 110 mln 880,8 min manatlıq səhm yerləşdirib. Yerləşdirmədə 243 fiziki və hüquqi şəxs, o cümlədən Maliyyə Nazirliyi (50,2% payı var) iştirak edib.

Yerləşdirmə başa çatandan sonra “Kapital Bank” ASC-nin nizamnamə kapitalı 150 mln manata, ABB-nin nizamnamə kapitalı 568,3 mln manata çatacaq. “Kapital Bank” ASC hələlik kapital artımı strategiyasını açıqlamayıb. ABB 2015-2017-ci illərdə səhmdarlardan ildə 100 mln manat cəlb etmək istəyir.  

“Kapital Bank” səhmlərinin bazar qiyməti 23 manat, ABB-ninki 0,19 manatdır. 08D