İki dövlət müəssisəsinin sağlamlaşdırılması layihəsi hazırlanıb

Əmlak Məsələləri Komitəsi ilk dəfə dövlətin 90% paya malik olduğu iki SC-nin özəlləşdirməqabağı sağlamlaşdırılması üzrə proqram layihəsinin hazırlığının başa çatdığını bəyan edib. SC-lərin birində baş verənlərdən xəbərsizdirlər. 

ƏMDK-nin 2013-cü il üçün hesabatına əsasən, Almaniyanın Beynəlxalq Əməkdaşlıq Təşkilatının dəstəyi ilə “Yeni BEMZ” və “Bakı Kondisioneri” açıq səhmdar cəmiyyətləri üçün hazırlanmış restrukturizasiya və sağlamlaşdırma proqramlarının layihələri hazırlanıb. Dövlət onlarda 98,45% və 90,3%% paya malikdir. Bu səhmlər dəfələrlə satışa çıxarılsa da, alınmayıb. 

“Bakı Konkisioneri” ASC İH sədri Vaqif Heydərov Turan-a bildirib ki, bu barədə məlumatı yoxdur. «yəqin, almanlar 8 ildir işləməyən müəssisədə olublar, sağlamlaşdırma ilə bağlı heç nə bilmirəm», deyə o qeyd edib. 

ƏMDK-nin məlumatına görə, Dövlət müəssisələrinin özəlləşdirməqabağı sağlamlaşdırılması və restrukturizasiyası ilə bağlı cəlb edilmiş məsləhətçi şirkətinin iştirakı ilə 30-dan çox dövlət müəssisəsinin müvafiq restrukturizasiya və sağlamlaşdırma tədbirlərinin məqsədəuyğunluğu barədə təkliflər hazırlanıb. Şirkətlərin adı məlum deyil. 

Hər il dövlət büdcəsindən bu məqsədlərlə milyonlarla vəsait ayrılır. Amma xərclər barədə hesabat verilmir. 2014-cü ildə ƏMDK dövlət əmlakının özəlləşdirilməsi və  sağlamlaşdırılması üçün 7,5 mln manat alıb. 

İlin əvvəli üçün dövlət 300 SC-nin kapitalında iştirak edir. ƏMDK-nin birbaşa sərəncamında 69 dövlət müəssisəsi var. 08B