İki pambıq zavodunun səhm paketi özəlləşməyə çıxarılıb
Azərbaycanda iki pambıqtəmizləmə zavodunun 30%-lik səhm paketi özəlləşməyə çıxarılıb. Bu il hökumət investorlara daha 4 işləməyən pambıq zavodunun səhm paketini təklif edib.
Qiymətli Kağızlar üzrə Dövlət Komitəsi avqustun 23-də pul hərraclarında satılmayan “Neftçala-Pambıq” və “Qarabağ-Pambıq” ASC-nin səhmlərinin satışı üzrə investisiya müsabiqəsi elan edib. Qanunvericiliyə əsasən, bu səhmlər sonuncu dəfə nominalının 50%-ə təklif edilib.
İddiaçılar pambıq zavodlarının yenidən qurulması üzrə investisiya proqramı təqdim etməlidir. Səhm paketini almaq üçün onlar dövlət büdcəsinə səhmlərin nominalının 70%-i məbləğində pul köçürmək öhdəliyi götürməlidir.
“Neftçala-Pambıq” və “Qarabağ-Pambıq” ASC-nin səhm nəzarət paketinin sahibi “MKT İstehsalat Kommersiya”dır. O, ölkədəki 21 pambıq zavodundan 14-ə nəzarət edir.
Zavodların maliyyə vəziyyəti pisdir. “Qarabağ-Pambıq” ASC-nin öhdəlikləri (6 mln 869,4 min manat) nizamnamə kapitalından (3 mln 2,7 min manat) iki dəfə çoxdur.
2013-cü ildə “MKT İstehsalat Kommersiya” MMC “Beyləqan-Pambıq” ASC-nin səhmlərinin 30%-i özəlləşdirib. Bu il isə investorlara Ağcabədi, İmişli, Saatlı, Biləsuvar pambıq zavodlarının 30%-lik səhm paketi təklif edilir.
Dövlətstatkoma görə, 2014-cü ildə Azərbaycanda pambıq əkini sahələri 2,6% azalaraq rekord aşağı səviyyəyə – 22,9 min ha-ya yaxınlaşıb.
Bu ilin 7 ayında pambıqtəmizləmə zavodları 2 min 971 ton pambıq lifi istehsal edib. Bu, ötən ilin eyni dövründəkindən 63,8% çoxdur.
2006-2014-cü illərdə Azərbaycanda investisiya müsabiəqsi yolu ilə 65 dövlət müəssisəsi özəlləşdirilib. ƏMDK-nin məlumatına görə, onlara 600 milyon manata yaxın investisiya qoyulub. 08B
İqtisadiyyat
-
BMT-nin İqlim Dəyişikliyi haqqında Çərçivə Komissiyasının fəaliyyətdə olan maliyyə mexanizmi orqanı və İqlim dəyişikliyi haqqında Paris sazişinin (2015-ci il tarixli) orqanı olan "Yaşıl İqlim Fondu" (GCF) ilk dəfə olaraq Azərbaycanı maliyyə vəsaiti ayıracağı ölkələrin siyahısına daxil edib.
-
Xarici ölkələrin Cenevrədə akkreditə olunmuş 30-a yaxın diplomatik missiyasının rəhbərləri üçün Beynəlxalq Telekommunikasiya İttifaqı (BTİ), Azərbaycan Respublikasının BMT-nin Cenevrə bölməsi yanında Daimi Nümayəndəliyi və Rəqəmsal İnkişaf və Nəqliyyat Nazirliyi tərəfindən «Green Digital Action» t\şəbbüsü üzrə xüsusi brifinq təşkil edilib. O, noyabrda Bakıda COP29 çərçivəsində təqdim olunacaq, deyə Azərbaycanın Rəqəmsal İnkişaf və Nəqliyyat Nazirliyindən bildiriblər.
-
Azərbaycan Beynəlxalq Bərpa Olunan Enerji Agentliyinin (İRENA) Şurasının üzvü kimi bu Şuranın Abu Dabidə (BƏƏ) keçirilən 28-ci iclasında iştirak edib.
-
Rəsmi məlumatlara görə, 2024-cü ilin yanvar-sentyabr ayları arasında Azərbaycanın heyvan və bitki yağlarının idxalı fiziki çəkidə 23,9%, dəyər ifadəsində isə 16,2% artıb. Həcm artımına baxmayaraq, bu məhsulların idxal dəyəri keçən ilin eyni dövrü ilə müqayisədə azalıb; 2024-cü ildə bir ton bitki yağının idxal dəyəri 2023-cü ildəki $1278,6-dan $1199,6-a enərək 6,1% azalıb.
Rəy yaz