İlham Əliyev orta təbəqədən danışıb
Prezident İlham Əliyev Dünya Bankının Cənubi Qafqaz regionu üzrə direktoru Henri Keralinin başçılıq etdiyi nümayəndə heyətini qəbul edib və ilk dəfə orta təbəqədən danışıb. Ekspertlərin fikrincə, ölkədə orta təbəqə və ona dövlət dəstəyi barədə danışmaq mübaliğə olardı.
Rəsmi məlumatda deyilir ki, görüşdə İlham Əliyev ölkədə orta təbəqənin sosial vəziyyətinin gücləndirilməsi istiqamətində məqsədyönlü tədbirlərin həyata keçirildiyini bildirib. DB təmsilçisi Azərbaycanda həyata keçirilən iqtisadi inkişaf tədbirlərini, əhalinin rifah halının yaxşılaşdırılması istiqamətində görülən işləri yüksək qiymətləndirib.
Son illər şirkətlərin mənfəət vergisi və fiziki şəxslərin gəlir vergisi azaldılıb. Bu isə onların gəlirinə təsir edib. Son 10 ildə hökumətin xətti ilə sahibkarlara 1,2 mlrd manat güzəştli kredit verilib. On minlərlə bahalı avtomobil və dəbdəbəli malikanələri hökumət və bəzi dairələr orta təbəqənin formalaşması amili kimi qiymətləndirirlər. Azərbaycanda orta təbəqənin səviyyəsi üzrə nə rəsmi, nə də alternativ qiymətləndirmə var. İqtisadçı Natiq Cəfərli hesab edir ki, əhalinin aylıq gəliri 1000 manatdan çox olan 10-15%-i bu kateqoriyaya daxil etmək olar.
Cəfərli hesab edir ki, neft gəlirləri əhalinin müəyyən təbəqələrinin həyat səviyyəsinin artmasına səbəb olub, işgüzar mühiti aktivləşdirib, yaradıcı təbəqə formalaşdırıb. «Hökumət maneələri aradan qaldırmalı, ədalərtsiz rəqabət və inhisarçılığı aradan qaldırmalıdır» deyə o düşünür.
Daha yaxşı təhsil, səhiyyə, ədalətli məhkəmə sistemi üçün mübarizə aparan orta təbəqə demokratik islahatlar tərəfdarı olur. Ona görə o, bütün cəmiyyətin inkişafına kömək edir, deyə iqtisadçı ekspert bildirir. 08B
-
- Siyasət
- 12 Mart 2014 17:06
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz