Dövlət Statistika Komitəsi bu ilin I yarısında açılan yeni iş yerləri barədə statistika açıqlayıb. Məlumata əsasən, ötən müddətdə 58 min yeni iş yeri yaradılıb. Onların 40,4 mini daimidir. Maraqlıdır ki, bu məlumat yanvar-iyun üzrə məşğul əhalinin sayı barədə rəqəmlərə ziddir.
DSK-ya görə, iyulun 1-i üçün məşğul əhalinin sayı 4 388,6 min nəfərdir. Bu, 2011-ci ilin eyni dövründəkindən 13,4 min nəfər çoxdur. Beləliklə, qalan 45 min yeni iş yerinin harada açılması müəmma olaraq qalır. DSK-da etiraf edirlər ki, açılan yeni iş yerləri barədə məlumatlar real işlə təmin edilənlərlə üst-üstə düşməyə bilər.
Bildirilir ki, 2009-2013-cu illəri əhatə edən regionların sosial-iqtisadi inkişafının ikinci Dövlət Proqramının icrası ilə əlaqədar 2012-ci il iyulun 1-ə ölkədə 299,0 min yeni, o cümlədən 219,9 min daimi iş yeri açılıb. Yaradılmış iş yerlərinin 70.1 faizi regionların payına düşür. İş yerlərinin 87.8 faizi qeyri-dövlət sektorunda açılıb.
Xatırladaq ki, hökumət regionların sosial-iqtisadi inkişafının birinci Dövlət Proqramı çərçivəsində 5 ildə 700 min yeni iş yeri açılması barədə məlumat verib. 08B
İqtisadiyyat
-
Bu gün Milli Məclisin iclasında Azərbaycanın deputatları 2025-ci il üçün minimum yaşayış səviyyəsinin artırılmasını nəzərdə tutan qanun layihəsini birinci oxunuşda müzakirə edib və təsdiqləyiblər. Yenilənmiş rəqəmlər 10 manatlıq mülayim artımı əks etdirir və ölkə üzrə yaşayış minimumu 285 manat olaraq müəyyən edilib. Xüsusi əhali qrupları üçün bu göstəricilər 305 manat (işləyən əhali üçün), 232 manat (pensionerlər üçün) və 246 manat (uşaqlar üçün) təşkil edir. Eyni iclasda gələn il üçün ehtiyac meyarı da 285 manat məbləğində təsdiq edilib ki, bu da milli yaşayış minimumu ilə eyni səviyyədədir.
-
Bu il Avstraliyanın Fortescue Future Industries (FFI) holdinqinin Azərbaycanda "yaşıl" layihələrin inkişafına dair planları yenidən tənzimlənib, lakin iki il əvvəl başlayan danışıqlar davam edir, Turan-a məlumatlı mənbə bildirib.
-
Milli Məclis bazar ertəsi keçirilən iclasda 2025-ci il üçün Dövlət Sosial Müdafiə Fondunun (DSMF) büdcə layihəsini birinci oxunuşda təsdiqlədi. Layihədə gəlir və xərclərin 7,676 milyard manat səviyyəsində, yəni ötən ilə nisbətən 10,45% artımla balanslaşdırıldığı, kəsirsiz maliyyə planı nəzərdə tutulur.
-
Avropa Yenidənqurma və İnkişaf Bankının (EBRD) proqnozlarına görə, Azərbaycan 2024-cü ildə mühüm iqtisadi dəyişikliklərə hazır görünür. 2023-cü ildə siyasətçilər üçün davamlı çətinlik yaradan inflyasiyanın əhəmiyyətli dərəcədə azalması gözlənilir. Orta illik inflyasiya səviyyəsinin 8,8%-dən 3,5%-ə düşəcəyi proqnozlaşdırılır. Bununla belə, inflyasiyanın azalması fonunda ölkənin cari əməliyyatlar profisiti – xarici iqtisadi gücünün göstəricisi – ÜDM-in 9,9%-dən 8,5%-ə enəcək.
Rəy yaz