İllik hesablamada istehsalçı qiyməti indeksi 8,4% azalıb

Bu ilin mayında sənaye məhsullarının istehsalçı qiymətləri indeksi əvvəlki aya nisbətən 0,6 faiz artıb, 2012-ci ilin müvafiq dövrünə nisbətən isə 8,4 faiz aşağı düşüb, deyə Dövlətstatkomda Turan-a bildiriblər.

Ay ərzində ölkədə qiymət qoymanın 77%-i formalaşdıran  xam neft və təbii qaz hasilatı üzrə istehsalçı qiymətləri indeksi 1% artıb. Amma mart ayından əsas ixrac məhsulunun qiymətinin düşməsi tendensiyası davam edir.

DSK-ya görə, mayda istehsalçı qiymətləri metal filizlərinin hasilatı üzrə 5,7 faiz, daş, qum, çınqıl, duz və digər mədənçıxarma sənayesi məhsullarının hasilatı üzrə 0,1 faiz ucuzlaşıb.

May ayında emal sənayesi bölməsində istehsalçı qiymətləri dinamikada olub. Kimya sənayesi üzrə 5,2 faiz, neft məhsullarının istehsalı üzrə 2,8 faiz, metallurgiya sənayesi üzrə 2,2 faiz, ağac emalı və ağacdan məmulatların istehsalı üzrə 1,6 faiz, maşın və avadanlıqların quraşdırılması və təmiri üzrə və həmçinin maşın və avadanlıqlardan başqa hazır metal məmulatlarının istehsalı üzrə 1,5 faiz qiymət azalması olub.

Mayda «European Tobacco Baku» ASC qiymətləri 7,1% artırıb. Ən yüksək artım toxuculuq sənayesi üzrə olub - 20,2 faiz.

İstehsalçı qiymətləri indeksi müəyyən edilərkən DSK 472 müəssisədə 2000 sənaye malının qiymətinindən istifadə edir.

İstehsalçı qiymətləri indeksi PPI (Producer Price Index) xammal, material və malların qiymət dəyişməsinin orta səviyyəsinin göstəricisidir. İstehlakçı qiyməti indeksindən onunla fərqlənir ki, xidmətləri yox, malları əhatə edir, həm də topdansatış səviyyəsində. --08D--