![İpoteka Fondu bazara dəstək üçün 20 mln manat borc alacaq](https://turan.az/resized/750/500/resize/media/2013/main/100200052001.jpg)
İpoteka Fondu bazara dəstək üçün 20 mln manat borc alacaq
Qiymətli Kağızlar üzrə Dövlət Komitəsi bazar ertəsi Azərbaycan İpoteka Fondunun (AİF) 20 mln manat məbləğində adlı faizli təminatlı sənədsiz istiqrazlarının emissiya prospektini qeydiyyata alıb. Bir istiqrazın nominl qiyməti 1 min manatdır.
Bu buraxılış sayca yeddinci olacaq. Birinci 7 illik təminatlı istiqrazların həcmi 55 mln manat, ikinci 10 illik təminatsız istiqrazların həcmi 75 mln manat, üçüncü 7 illik təminatlı istiqrazların həcmi 60 mln manat, dördüncü 7 illik faizli təminatlı istiqrazların həcmi 20 mln manat, beşinci 10 illik faizli təminatlı istiqrazların həcmi 30 mln manat, altıncı 10 illik təminatlı istiqrazların həcmi 40 mln manat olub.
AİF bazarda borc aldığı vəsaitlərdən müvəkkil bankların verdiyi krediti təkrar maliyyələşdirmək üçün istifadə edir. Bundan başqa, hər il dövlət büdcəsindən güzəştli kreditləri təkrar maliyyələşdirmək üçün 20 mln manat ayrılır. 2013-cu ildə sosial ipotekaya iki dəfə çox vəsait ayrılıb.
İpoteka kreditləri Azərbaycan vətəndaşlarına, 50 min manata qədər, 25 ilədək müddətə, illik 8%-dən çox olmamaqla verilir. Güzəştli kreditlər 35 min manatadək, 30 ilə qədər müddətə, illik 4%-dək dərəcə ilə verilir. --15B--
-
- Siyasət
- 2 Oktyabr 2013 18:56
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz