İpoteka istiqrazlarının təminatı üçün istifadə edilə biləcək QK-lar müəyyən edilib

Nazirlər Kabineti yanvarın 25-də əlavə aktivlər qismində ipoteka istiqrazlarının örtüyünün tərkibinə daxil edilə bilən qiymətli kağızları buraxan dövlətlərin müəyyən edilməsi meyarlarını təsdiq edib.

Qərara əsasən, ipoteka istiqrazlarının təminatı üçün onların tərkibinə əlavə aktivlər qismində bu ölkələrin QK-ı daxil edilə bilər:

- “BBB –” (“Standard&Poor's” və “Fitch” reytinq agentliklərinin klassifikasiyasına görə), “Baa3” (“Moody's” reytinq agentliyinin təsnifatına görə) uzunmüddətli kredit reytinqi dərəcəsinə malik İqtisadi Əməkdaşlıq və İnkişaf Təşkilatı (İƏİT) dövlətləri;

- İƏİT üzvləri olmayan və ən azı “AA –” (“Standard&Poor's” və “Fitch” reytinq agentliklərinin təsnifatına görə),

- “Aa3” (“Moody's” reytinq agentliyinin təsnifatına görə) uzunmüddətli kredit reytinqi dərəcəsinə malik olan dövlətlər.

«Azərbaycan İpoteka Fondu» təmin edilmiş ipoteka istiqrazları buraxır. Amma Fond onların hansı konkret QK ilə təmin edildiyini açıqlamır.

Bu günlərdə AİF 50 mln manatlıq 3%-lik faizli ipoteka istiqrazları buraxdığını elan edib. İlkin mərhələdə 10 mln manatlıq istiqrazlar yerləşdiriləcək. 08D