![İqtisadiyyatın sement məntiqi](https://turan.az/resized/media/2015/main/082000126838-750-500-resize.webp)
İqtisadiyyatın sement məntiqi
Bu ilin iyul ayında tikinti biznesinin vəziyyətinin indikatorlarından biri olan sement istehsalı azalıb. 2013-cü ildən ilk dəfə olaraq bu məhsulun istehsal həcminin göstəricisi mənfi olub.
Dövlət Statistika Komitəsinin məlumatına görə, yanvar-iyul aylarında 1 mln 622,6 min ton sement istehsal edilib, bu da 2014-cü ilin analoji dövründən 2,4% azdır.
Azərbaycanda heç bir sement müəssisəsi özünün istehsal həcmlərini açıqlamır. Azərbaycanda ən iri sement istehsalı zavodları “Holcim (Azerbaycan)” ASC (istehsal gücü – ildə 1,7 mln ton), “Norm” MMC (2 mln ton) və “Qazax Sement Zavodu” MMC-dir (1 mln ton).
Bazarın bölüşdürüldüyü üçün Azərbaycanda uzun müddət sementin qiyməti, demək olar ki, dəyişməyib və regionda ən yüksək olub. Bu ilin fevral ayında milli valyutanın devalvasiyası nəticəsində sementin qiyməti orta hesabla 8,4% bahalaşıb. Proses 2015-ci ilin mart ayında da davam edib (+0,9%). Sonrakı aylarda qiymətlər stabilləşməyə başlayıb.
Dövlət Gömrük Komitəsinin məlumatına görə, bu ilin yeddi ayı ərzində Azərbaycana xaricdən bəyan edilmiş dəyəri 21,9 mln dollar olan sement gətirilib. Bu da ötən ilin müqayisə edilən dövründən 52,7 mln dollar yaxud 70,7% azdır.
Ötən ilin sementin yerli istehsal həcmi özünün pik həddinə - 2 mln 979 min tona çatıb, bu da 2013-cü ildən 40,5% çoxdur.
Təkrar istehsal 3,6% təşkil edib. 2015-ci ilin əvvəlinə müəssisələrin anbarlarında (təxminən 15 subyekt) satışa hazır 110,7 min ton məhsul olub.
Ekspert hesablamalarına görə, Azərbaycanda illik sement istehlakı həcmi 3 min tondan az deyil. Əgər iqtisadiyyata dövlət investisiyaları azaldılsa, 2016-cı ildə bu həcm təxminən 15% azalacaq. -08B-
-
- Bazarların icmalı
- 20 Avqust 2015 12:43
-
- İqtisadiyyat
- 20 Avqust 2015 13:11
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz