Iri holdinq öz şirkətlərinin yenidən qruplaşmasını həyata keçirir

Mart ayında Azərbaycanda 6 şirkət qeydiyyata alınıb. Onlar  “Gilan Holding” qrupuna daxildir. Şirkətlərin adlarından məlum olur ki, höldinq çoxsaylı şirkətlərinin sahə prinsipi üzrə yenidən qruplaşmasını həyata keçirir.

Vergilər Nazirliyinin məlumatına görə, kənd təsərrüfatı müəssisələrini birləşdirəcək müəssisə (“Gilan Agrocultural Group” MMC), tikinti materialları istehsalı  (“Gilan Consrtuction Materials Group” MMC), xalq istehlakı malları  (ООО “Gilan FMCG Group” MMC), turizm, mehmanxana xidmətləri və ictimai iaşə  (“Gilan Hospitality Group” MMC), nəqliyyat və logistika  (“Gilan Logistics Group” MMC) pərakəndə satış  (“Gilan Retail Group” MMC) üzrə müəssisələr təsis edilib.

Dörd qrupa bundan öncə höldinqin bir neçə qrupunu  (“First Beverage”, “Kaspia Real Estate Group”, “Qaya Real Estate”, “İlandag Services”) idarə edən Hüseyn Abdinzadə rəhbərlik edəcək.

Ötən yüzilliyin 90-cı illərində yaradılmış “Gilan Holding” şirkətlər qrupu rəsmi sənədlərə görə, fövqəladə hallar naziri Kəmaləddin Heydərovun iki oğluna məxsusdur. Bəzi hesablamalara görə, höldinqin kommersiya strukturlarının ümumi sayı 300 şirkət və müəssisəyə çatıb. Onların bir hissəsi son 12 ayda təsis edilib. Şirkət ölkə hüqudlarından kənarda da fəaliyyət göstərir.

Holdinqin korporativ saytında  (www.gilanholding.com) əvvəlki illərin maliyyə hesabatları yoxdur. Halbuki, qanunvericiliyə əsasən onlar KİV səhifələrində də dərc olunmalıdır.08B