![İş qadınları üçün maliyyə planlaşdırması üzrə seminar](https://turan.az/resized/750/500/resize/media/2015/main/121700140655.png)
İş qadınları üçün maliyyə planlaşdırması üzrə seminar
Avropa Yenidənqurma və İnkişaf Bankı tərəfindən Avropa Birliyi və İsveçin maliyyə dəstəyi ilə keçirilən seminar Azərbaycanlı iş qadınlarının biznes bacarıqlarının təkmilləşdirilməsini və maliyyə qurumlarına çıxışını dəstəkləyir.
Avropa Yenidənqurma və İnkişaf Bankı (AYİB),iş qadınları üçün onlarınöz sahibkarlıq bacarıqlarını inkişaf etdirmək vəişgüzar fəaliyyətlərinin genişləndirilməsinə imkanlar yaradan əsas maliyyə konsepsiyalarını dərindən qavramasına yardımçı olmaq məqsədilə dörd günlük seminarının ilk sessiyasına başlamışdır. İqtisadiyyatın müxtəlif sektorlarını təmsil edən on yeddi qadın sahibkar bu seminarın ilk sessiyasında iştirak etmişdir.
“Biz qətiyyətlə inanırıq ki, qadınların sahibkarlıqfəaliyyəti yeni iş yerlərinin yaradılmasında və iqtisadi inkişafın tərəqqisində vacib rol oynayır. Məhz buna görə də, bizim fəaliyyət göstərdiyimiz ölkələrdə, sahibkarlıqla məşğul olan qadınların nailiyyətlər qazanması və bizneslə daha geniş şəkildə məşğul olmaları üçün onlara köməklik göstəririk.” – bu sözləri AYİBCənubi Qafqaz və Rusiya Federasiyası üzrə Kiçik Müəssisələr üçün Məsləhət məsələləri üzrə rəhbəri Cef Ferri bildirmişdir.
“Bizim tərəfimizdən təşkil olunan silsilə xarakterli seminar ən mükəmməl beynəlxalq təcrübələrdən qaynaqlanır və seminarın tədris proqramı yerli tələblərə əsasən tərtib olunaraq seminar iştirakçılarına aşılanır. Bu proqram Azərbaycanda sahibkarlıqla məşğul olan qadınların fəaliyyətini təşviq edərək, işgüzar fəaliyyətə daha çox qadının cəlb olunmasını dəstəkləyir.”
Bu seminar İlkin Keçid Dövrü Ölkələr Fondu, Avropa Birliyi və İsveç hökuməti tərəfindən maliyyələşdirilən AYİB İş Qadınları Dəstək proqramının bir hissəsini təşkil edir. AYİB özünün tərəfdaş maliyyə qurumlarının xətti ilə Kiçik və Orta Sahibkarlıqla məşğul olan qadın sahibkarlar üçün 50 milyon Avrodan artıq kreditlərin verilməsinə imkanlar yaradacaqdır.Bu məbləğin 9 milyon AVRO məbləği maliyyələşdirilmə zamanı risklərin azaldılması və tərəfdaş banklara texniki dəstəyin göstərilməsi məqsədilə sponsor maliyyələşdirilməsinə ayrılmaqla yanaşı, qadın sahibkarlara biznesin idarə edilməsinə dair tövsiyələrin verilməsi, onlar üçün təlimlərin keçirilməsi və müvafiq olaraq təlimatlandırılmasına xidmət edir.
1993-cü ildə Azərbaycanda fəaliyyətə başlayandan bəri, AYİB 700-dən artıq müəssisəyə inkişaf etmək və öz işgüzar fəaliyyətlərini genişləndirmək məqsədilə onlar üçün praktiki bilik və texnologiyaların öyrənilməsində məşvərətçi xidmətlərindən bəhrələnmək imkanları yaratmışdır. Avropa İttifaqı 2003-cü ildən bu fəaliyyəti dəstəkləmək üçün 3.7 milyon Avro, İsveç Beynəlxalq İnkişaf Agentliyi isə Şərqi Tərəfdaşlıq Ölkələrində sahibkarlıqla məşğul olan qadınların inkişafına 47 milyon isveç kronası dəyərində maliyyə yardımı etmişdir.
* 64 ölkə və dövlətlərarası müәssisәlәr tərəfindən idarə olunan AYİB bazar iqtisadiyyatı və demokratiyaların inkişafını dəstəkləyir. Bizim fəaliyyətimizibu internet səhifəsi vasitəsilə, həmçinin Facebook və Twitter sosial şəbəkələrində izləyə bilərsiniz.
-
- Siyasət
- 17 Dekabr 2015 12:08
-
- İqtisadiyyat
- 17 Dekabr 2015 12:43
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz