İcbari sığorta sığorta bazarının lokomotivinə çevrilib. İcbari Sığorta Bürosu icbari sığortanın inkişafı üzrə təkliflər hazırlayır, deyə VI Azərbaycan Beynəlxalq Sığorta Forumunda (AİİF-2015) çıxışı zamanı qurumun icraçı direktoru Elxan Quliyev bildirib.
«Bu seqmentin səmərəliliyi artırılmalı, sığorta xidməti səviyyəsi yüksəldilməlidir», - deyə o bildirib. Ötən il ölkədə 3 mln daşınmaz əmlak obyekti qeydiyyata alınıb. Bunun 10%-i sığortalanıb. Avtomobil sığortasında da oxşar vəziyyət var. 1 mln 245 min avtonəqliyyat vasitəsinin yarısı sığortalanıb. Onun sözlərinə görə, bu, çox aşağı göstəricidir. İSB yaxın 2 ildə sığorta səviyyəsini 90-95%-ə çatdırmaq istəyir.
Ekspertlərin fikrincə, bunun üçün avtonəqliyyat vasitələri və daşınmaz əmlak sahiblərinin sığorta polisindən təkrar imtinası zamanı cərimədən qaçmağına imkan verən qanunvericilikdəki nöqsanlar aradan qaldırılmalıdır. --17D—
İqtisadiyyat
-
Azərbaycan hökuməti OPEC Fonduna bir sıra bərpa olunan enerji layihələrinin, o cümlədən dəniz külək enerjisinin inkişafı, "yaşıl enerji dəhlizi" təşəbbüsləri və SOCAR-ın Birləşmiş Ərəb Əmirliklərindən Masdar şirkəti ilə birgə həyata keçirməyi planlaşdırdığı 1 QVt gücündə layihənin maliyyələşdirilməsində iştirak etməyi təklif edib.
-
14 noyabr tarixində keçirilən COP29 tədbirində "Cənubi Qafqaz və Mərkəzi Asiyada İqlim Maliyyələşdirilməsi Mənzərəsi" mövzusunda çıxış edən Dünya Bankının Cənubi Qafqaz üzrə regional direktoru Roland Prays, Cənubi Qafqaz ölkələrinin üzləşdiyi əhəmiyyətli iqtisadi və ekoloji zərərləri vurğuladı və bu rəqəmi illik təxminən 100 milyon ABŞ dolları həcmində dəyərləndirdi.
-
SOCAR-ın törəmə müəssisəsi olan SOCAR Green, COP29 sammitində Azərbaycanda bərpa olunan enerji mənbələrinin inkişafını gücləndirmək, enerji səmərəliliyini artırmaq və dayanıqlı inkişafı təşviq etmək məqsədilə bir sıra sazişlər imzalayıb.
-
İslam İnkişaf Bankı (İİB) iqlim dəyişikliyi ilə mübarizədə islam bankçılıq resurslarının səfərbər edilməsini gücləndirir. Bu barədə cümə axşamı COP29 çərçivəsində keçirilən dəyirmi masada İİB prezidenti Məhəmməd Süleyman Əl-Cəssər bildirib.
Rəy yaz