ISB üzvləri 74 mln manat sığorta haqqı toplayıb

İcbari Sığorta Bürosunun (İSB) üzvü olan sığorta şirkətləri 2015-ci il sentyabrın 1-i üçün 74 mln 157,67 min manat (ötən ilin eyni dövrü ilə müqayisədə + 29,1%) sığorta haqqı toplayıb.

İSB-nin məlumatına görə, mükafatların çoxu AVSMMİS (53 mln 14,78 min manat), daşınmaz əmlakın icbari sığortası üzrədir (20 mln 799,33 min manat, +82,3%).

Daşınmaz əmlak sahiblərinin məsuliyyətinin icbari sığortası üzrə 258,93 min manat, sərnişinlərin sığortası üzrə 84,63 min manat (mənfi 2,1%) sığorta haqqı toplanıb.

İcbari Sığorta Bürosu 16 dekabr 2011-ci ildə yaradılıb. Hazırda 15 üzvü var. Onların 12-si bu növlər üzrə xidmət göstərə bilər.

“İcbari sığorta növləri haqqında» qanun 4 icbari sığorta növünə şamil edilir. Bunlar avtonəqliyyat sahiblərinin mülki məsuliyyətinin icbari sığortası, daşınmaz əmlakın sığortası, daşınmaz əmlak istifadəsi zamanı mülki məsuliyyətin sığortası, sərnişinlərin sığortasıdır.

Büroya üzvlük haqqı 200 min manat, daşınmaz əmlakın icbari sığortası və daşınmaz əmlak sahiblərinin məsuliyyətinin icbari sığortası üçün birdəfəlik depozit 100 min manatdır. Avtonəqliyyat sahiblərinin mülki məsuliyyətinin icbari sığortası və sərnişinlərin icbari sığortası üzrə birdəfəlik depozit hərəyə 200 min manatdır. --17D—