Açiq mənbələrdən foto.
İşğaldan azad edilmiş ərazilərin iqtisadi inkişafının sürətləndirilməsi barədə qərar qəbul edilib
Bakı/24.10.22/Turan: Oktyabrın 21-də Azərbaycan Respublikası İqtisadi Şurasının sədri, Baş nazir Əli Əsədovun sədrliyi ilə keçirilən iclasda işğaldan azad edilmiş ərazilərdə iqtisadi inkişafın sürətləndirilməsi ilə bağlı tədbirlərin həyata keçirilməsinin vəziyyəti, o cümlədən burada investisiyaların təşviqi mexanizmi müzakirə edilib.
İqtisadi Şuranın gündəliyinə Ələt Azad İqtisadi Zonasının fəaliyyəti, bir sıra qanunlara (“Azərbaycan Respublikasının Miqrasiya Məcəlləsi” və “Banklar haqqında”) dəyişikliklər edilməsi layihələri, tədavüldə olan xarici valyutada istiqrazların bir hissəsinin geri alınması və "Aqrarkredit" QSC BOKT -la bağlı aktual məsələlər daxil edilib..
İclasda iqtisadiyyat naziri Mikayıl Cabbarovun, maliyyə naziri Samir Şərifovun, Ələt Azad İqtisadi Zonasının İdarə Heyətinin sədri Valeh Ələsgərovun, Dövlət Miqrasiya Xidmətinin rəisi Vüsal Hüseynovun, “Aqrarkredit” QSC-nin İdarə Heyətinin sədri Məmməd Musayevin hesabat məruzəsi dinlənilib.
Nazirlər Kabinetinin mətbuat xidmətinin məlumatına görə, iclasın yekunları üzrə işğaldan azad edilmiş ərazilərdə iqtisadi inkişafın sürətləndirilməsi ilə bağlı bir sıra layihələr və müzakirə olunan digər məsələlərlə bağlı qərarlar qəbul edilib, onların həlli üçün aidiyyəti qurumlara tapşırıqlar verilib. Qəbul edilmiş qərarların mətni və məzmunu hələlik ictimaiyyətə açıqlanmayıb.
31 dekabr 2021-ci il tarixinə “Aqrarkredit” 11 milyard 685 milyon manat (6 milyard 823 milyon dollar) dəyərində aktivlərə malik olub. Xarici valyutada faizli dövlət istiqrazları üzrə dövlət öhdəlikləri onların buraxıldığı vaxt (2017-ci il) 2 milyard 337,1 milyon ABŞ dolları təşkil edib. 08B
İqtisadiyyat
-
Şimal-Cənub beynəlxalq nəqliyyat marşrutunun əhəmiyyətli inkişafı çərçivəsində 2024-cü ilin iyununda Azərbaycanı İranla birləşdirəcək Rəşt-Astara dəmir yolu hissəsində geoloji kəşfiyyat işlərinə başlanması planlaşdırılır. TASS-ın xəbərinə görə, bu bəyanatı “Rusiya - İslam dünyası: Kazanforum 2024” mövzusunda XV Beynəlxalq İqtisadi Forum çərçivəsində Rusiya Federasiyasının nəqliyyat nazirinin müavini Dmitri Zverev bildirib.
-
Azərbaycanın neft gəlirləri azalmaqdadır.Bu il Azərbaycan Dövlət Neft Fondunun (ADNF) neft satışından təqribən 5 milyard dollar əldə edəcəyi proqnozlaşdırılır. Son 17 ildə “Azəri”, “Çıraq”, “Günəşli” yataqlar blokundan (AÇG) dövlətin mənfəət şəklində əldə etdiyi ən aşağı qazanc 2020-ci ildə - 3,52 milyard dollar olmuşdu. Amma 2022-ci ildə neft gəlirdi təqribən 10 milyard dollara yüksəldi ( neftin yenidən bahalaşması ilə). Ötən il bu gəlir 6 milyarddan bir qədər çox olub.
-
Beynəlxalq Maliyyə Korporasiyasının (BMK) Azərbaycandakı nümayəndəsi Aliyə Əzimova “Ambisiyaların artırılması və stimullaşdırıcı fəaliyyət: COP29 Davamlı Biznes Forumu”nda çıxışı zamanı təşkilatın iqlim dəyişikliyi ilə mübarizəyə yeni diqqət yetirməsindən danışıb.
-
Azərbaycan istixana qazları tullantılarını azaltmaq və iqtisadiyyatını davamlı inkişafa doğru irəliləmək üçün iddialı planlar açıqlayıb. Bunu ekologiya və təbii sərvətlər naziri Muxtar Babayev “Artan ambisiyalar və fəaliyyət üçün stimullar: COPL-29 Davamlı Biznes Forumu” adlı mötəbər forumda çıxışı zamanı deyib.
Taksi sayı azaldılır, bəs köhnə taksiçilər nə ilə dolanacaqlar? – Rauf Ağamirzəyev Çətin sualda
Xəbər lenti
-
- Siyasət,
- 13:57
- 324
Rəy yaz