Fövqəladə Hallar Nazirliyi Bakı şəhəri, Xətai rayonunda "Bakıelektrikşəbəkə" ASC-yə məxsus 214 saylı yarımstansiyanın ərazisində yanğını söndürüb.
Ümumi sahəsi 200 kv.m olan tikilinin içərisində quraşdırılmış gücü 6 kVt olan transformatorun çıxış kabeli 1 p.m yanıb. Rəsmi versiyaya görə, yanğına səbəb axşamlar qızdırıcıların qoşulması üzündən enerjiyə tələbatın artmasıdır.
Ekspertlərə görə, belə hallara səbəb binaların qızdırılmamasıdır. Əhali evləri qızdırmaq üçün elektrik enerjisindən istifadə edir.
İsitmə mövsümü 15 noyabrda başlayır. Amma temperatur düşdüyü üçün əhali elektrik sobalarından istifadə edir.
«Azəristiliktəchizat»da Turan-a bildiriblər ki, isitmə mövsümünə hazırdırlar. «Avadanlıq istismara hazırdır. Vaxtından əvvəl evlərin qızdırılması üçün Bakı ŞİH-nin sərəncamı lazımdır. Bunun üçün orta günlük temperatur 8 dərəcədən az olmalıdır. Əks halda mövsüm cədvəl üzrə başlayacaq». Amma şəhərin neçə faizinin isitmə sistemi ilə təchiz edildiyi batədə suala cavab verməyiblər. --17D—
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz