Bu ilin I rübündə Azərbaycanda istehlak qiymətləri illik hesablamada (2015-ci ilin eyni dövrü ilə müqayisədə) 10,8% artıb, deyə Dövlətstatkom bildirir.
Manatın devalvasiyası, eləcə də başqa iqtisadi amillər inflyasiya səviyyəsinə də təsir edib. Manat ABŞ dollarına nisbətən iki dəfə qiymətdən düşəndən sonra ərzağın qiyməti 13,1%, qeyri-ərzaq malları 15,2%, əhaliyə pullu xidmətlər 4% bahalanıb. Dövlətstatkomda belə hesablayıblar.
Təkcə martda fevralla müqayisədə qiymətlər 0,4% bahalanıb. Ərzağın qiyməti 0,3%, qeyri-ərzaq malları və əhaliyə pullu xidmətlərin qiyməti 0,5% artıb.
Bu yaxınlarda Beynəlxalq Valyuta Fondu 2016-cı ildə Azərbaycanda 12,8% inflyasiya olacağı barədə proqnozunu açıqladı.
2015-ci ildə ölkədə rəsmi inflyasiya 4% olub. 08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz