İstehlakçılara qarşı qəsd zəifləmir

 Bu gün Isr Plasa otelində hökumət strukturlarının vətəndaş cəmiyyətinin tövsiyələrini yerinə yetirməsinin monitorinqinin yekunları təqdim edilib.

Tədbiri “Transparency Azerbaijan” ABŞ Beynəlxalq İnkişaf Agentliyinin maliyyə dəstəyi ilə keçirib. Tədbirdə FHN, Energetika Nazirliyi, mənzil-kommunal təsərrüfatı departamentinin təmsilçiləri iştirak etməli idi. Baş Prokuror yanında Korrupsiya ilə Mübarizə üzrə Komissiyanın əməkdaşları çıxış etməli idi. Amma hökumət strukturları regional şöbələr səviyyəsində də təmsil olunmayıb. «Azəriqaz» təmsilçisi ictimaiyyətlə dialoqdan imtina edib.

 «Konstitusiya» Fondunun eksperti Ələkbər Ağasiyevin fikrincə, kommunal xidmətlərdə ihisarlaşma tariflərin artımı ilə nəticələnir. İnhisarçıların istehlakçılarla öz müqavilə norması və hesabatlılığı var. Bu, Nazirlər Kabineti ilə nəzərdə tutulandan fərqlidir. Kommunal xidmət göstərən müəssisələr qanuan zidd olaraq,  Komtec LTD şirkəti ilə elektrik enerjisi, qaz və su ödənişləri üzrə ödənişlə bağlı müqavilə bağlayır.

Apreldə Nəsimi rayon Məhkəməsi Pirşağıda nəzarərçilərin ödənişləri mənimsədiyini aşkarlayıb. Şahid kimi çıxış edən “Azərpoçt”un № 1115 şöbəsinin rəisi Əli Zeynalov bildirib ki, şifahi razılığa əsasən, hər ay bütün poçt şöbələri nəzarətçilərə möhürlü qəbzlr verir. Əhali ödənişi evində edir, kommunal xidmətlər isə pul pulu ya mənimsəyir, ya da «fırladır» deyə Ağasiyev bildirib.

Bəzən sayğacların yoxlaması zamanı birtərəfli protokol yazılır, sayğacları yararsız hala salmaq üçün (cərimə almaq məqsədi ilə) evdən kənara çıxarırlar və s. Ekspert bildirib ki, inzibati və s sanksiyalar yalnız sıravi nəzarətçilərə tətbiq edilir.

Müzakirələrin sonunda qanunvericilik bazasının təkmilləşdirilməsi, elektron xidmətərin genişləndirilməsi və s tövsiyələr səsləndirilib. --17D—