Prezident İlham Əliyev əhalinin suölçən cihazlarla təmin edilməsi üçün 12 mln. manatın ayrılması barədə sərəncam imzalayıb.
Bu məqsədlə prezidentin Ehtiyat Fondundan “Azərsu” Açıq Səhmdar Cəmiyyətinə vəsait ayrılıb.
“Azərsu” ASC-nin məlumatına görə, 2016-cı il yanvarın 1-i üçün 1 mln. 308,5 min abonentdən 792 260-i (60,5%) suölçən cihazla təmin edilib.
Qanunvericiliyə görə, əhali sayğacların quraşdırılması üçün ödənişdən azad edilib.
Qeyd edək ki, təşkilat və kommersiya strukturları üzrə (cəmi 55,7 min abonent) sayğacların quraşdırılması səviyyəsi 79,7% (44,4 min) təşkil edir. 08D
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz