İstehsalatda bədbəxt hadisələrdən icbari sığorta üzrə 15 mln manat toplanıb

Dövlət Sığorta Nəzarəti Xidmətinin məlumatına görə, yanvar-apreldə istehsalatda bədbəxt hadisələr və peşə xəstəlikləri nəticəsində peşə əmək
qabiliyyətinin itirilməsi hallarından icbari sığorta üzrə 14,91 mln manat mükafat yığılıb. Bu, ötən ilin eyni dövründəkindən 14% çoxdur. Həyat sığortası üzrə cəmi 41,88 mln manat, o cümlədən könüllü növlər üzrə 26,97 mln manat toplanıb. Bu, bazardakı mükafatların (166,01 mln manat) 22,23%-dir.

Azərbaycanda həyat sığortası üzrə ixtisaslaşan 3 şirkət var.

Vergilər Nazirliyinin məlumatına görə, ölkədə yarım milyon sahibkar var. Onların beşdə biri real məşulluğu təmin edir. Bütün təbii inhisarlar və iri biznesmenlər  Azərbaycan Respublikası  Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin (DƏMX) nəzarəti altında sığorta şirkətləri ilə müqavilə bağlayıb.

“İstehsalatda bədbəxt hadisələr və peşə xəstəlikləri nəticəsində peşə əmək
qabiliyyətinin itirilməsi hallarından icbari sığorta haqqında qanun” 2010-cu ilin iyununda təsdiqlənib. 17 dekabrda Maliyyə Nazirliyi normativ-hüquqi sənədləri təsdiqləyib.
2010-cu ilin noyabrında Nazirlər Kabineti tarifləri təsdiq edib. Burada 14 risk dərəcəsi nəzərdə tutulub. Müəssisələrdə qulluqçu və işçilər üçün sığorta tarifi müəyyən edilib. Müəssisənin risk dərəcəsindən asılı olaraq, 0, 0,2%-2%-dir. Qanuna əsasən, sığorta tarifi müəssisənin əmək haqqı fonduna köçürülür. Sığorta ödənişinin 3 növü var: aylıq, birdəfəlik, əlavə.
Bundan başqa, hər il dövlət büdcəsinin xərclər hissəsində istehsalatda bədbəxt hadisələrlə bağlı 10 mln manat nəzərdə tutulur. --17D—