İtaliyalılar «Azərkimya» müəssisələrinin modernləşdirilməsini $300 milyon həcmində dəyərləndiriblər
“Azərkimya” İstehsalat Birliyinin tərkibinə daxil olan müəssisələrin modernləşdirilməsi üzrə işlər $300 mln. həcmində dəyərləndirilir. Bunu jurnalistlərə SOCAR-ın strateji inkişaf üzrə vitse-prezidenti Tofiq Qəhrəmanov bildirib.
“Modernləşdirilmə üzrə işlərə artıq başlanılıb və 2018-2019-cu illərdə başa çatmalıdır. Layihənin reallaşmasına İtaliyanın Technip Italy şirkəti cəlb edilib. İşlər $300 mln. həcmində dəyərləndirilir”, - T.Qəhrəmanov deyib.
Onun sözlərinə görə, “Azərkimya” İB-nin “Etilen-polietilen” zavodu SOCAR Polymer şirkətinin Sumqayıtda inşa etdiyi yüksək sıxlıqlı polietilen və polipropilen istehsalı üzrə yeni zavodları xammal (etilen və propilen) ilə təchiz edəcək.
“Etilen-polietilen zavodunda “EP-300” qurğusu köhnəldiyindən onun səmərəli işini təmin etmək üçün modernləşdirilməlidir”, - vitse-prezident vurğulayıb.
Xəbər verildiyi kimi, Technip Italy “Etilen-polietilen” zavodunun yenidən qurulması layihəsi çərçivəsində müfəssəl mühəndislik işlərinin icrası və təchizatın dəstəklənməsi üzrə “Azərkimya”İB-nin podratçısı kimi cəlb edilib.
Qeyd edək ki, ildə 180 min ton gücündə polipropilen və 120 min ton gücündə yüksək sıxlıqlı polietilen zavodlarının işə salınması 2018-ci ildə planlaşdırılır.–12D--
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz