![Iteca Caspian payız sərgo mövsümü haqqında](https://turan.az/resized/media/2016/main/082300166429-750-500-resize.webp)
Iteca Caspian payız sərgo mövsümü haqqında
Iteca Caspian şirkəti payız mövsümündə Bakıda keçiriləcək beynəlxalq sərgilər barədə məlumat verib. Payız sərgi təqviminə Azərbaycan beynəlxalq “Səhiyyə” “BIHE”, “Stomatologiya” “Stomatology Azerbaijan”, “Gözəllik və Estetik tibb” “Beauty Azerbaijan”, “İnşaat” “BakuBuild”, “İstilik, havalandırma və kondisiyalaşdırma sistemləri” “AquaTherm Baku”, “Mühafizə, Təhlükəsizlik və Xilasetmə vasitələri” “CIPS Securika”, və İKT “Bakutel” sərgiləri daxildir.
Sözügedən sərgilər Bakı Ekspo Mərkəzində keçiriləcək. Bütün sərgilər Azərbaycan Respublikasının dövlət strukturlarının rəsmi dəstəyi ilə keçirilir. İlk üç sərgi 19- 21 sentyabrda (22-ci BIHE 2016, 11-ci Stomatology Azerbaijan 2016 və 10-cu Beauty Azerbaijan 2016) dünyanın 15 ölkəsindən 100-dən artıq şirkəti bir arada toplayacaq.
19- 22 oktyabrda 22-ci BakuBuild 2016, 9-cu AquaTherm Baku 2016 və 9-cu CIРS Securika 2016 keçiriləcək. Bu sərgilərdə 20 ölkədən 400 şirkət iştirak edəcək.
Mövsüm Bakutel 2016 (29 noyabr - 3 dekabr) sərgisi ilə bitəcək. Bu sərginin iştirakçıları arasında aparıcı İKT şirkətləri, Azərbaycanın mobil operatorları, rabitə operatorları, internet provayderləri, sistem inteqratorları və tanınmış brendlərin distribüterləri yer alır.
Iteca Caspian direktoru Fərid Məmmədovun sözlərinə görə, artıq sərgilərin veb-saytlarında “Fast Track” sürətli elektron qeydiyyat sistemi fəaliyyət göstərir. Cəmi bir neçə dəqiqə çəkən bu proses Bakı Ekspo Mərkəzində qeydiyyatdan keçərkən vaxta xeyli qənaət etməyə imkan verir. Ziyarətçilərin sərgiyə girişi pulsuzdur. Maraqlananlar sərgilər, habelə onların ziyarətçi və iştirakçılara təklif etdikləri xidmətlər barədə daha ətraflı məlumatlarla www.iteca.az, veb-saytında, eləcə də sərgilərin sosial şəbəkələrdəki rəsmi səhifələrində tanış ola bilərlər. --17D—
-
- Siyasət
- 23 Avqust 2016 13:29
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz