İyulda deflyasiya 0,7% təşkil edib

Azərbycan Dövlət Statistika Komitəsi iyul ayında yenə deflyasiya qeydə alıb. İyunla müqayisədə istehlak qiymətləri orta hesabla 0,7% azalıb. 

Rəsmi məlumatlara görə, iyulda ərzaq məhsullarının qiyməti 1,7% ucuzlaşıb. Əhaliyə pullu xidmətlər 0,1% bahalaşıb. Qeyri-ərzaq mallarının qiyməti iyunda stabil qalıb.

Ötən ay un, qarabaşaq, qoyun əti, balıq, süd, qarğıdalı yağı, kənd və şəkər tozu, bəzi meyvələr (banan, alma, armud və s.) və tərəvəzlər (xiyar, pomidor, badımcan, istiot, soğan, çuğundur) ucuzlaşıb. 

İyulda DSK-nin əməkdaşları mal əti, toyuq əti, kolbasa məmulatları, xama, yumurta, kərə yağı, mövsümü olmayan meyvələrin (limon, albalı, çiyələk) qiymətinin artması faktlarını aşkar ediblər. 

Həmçinin hava və dəmir yolu sərnişin daşınmasında biletlərin qiymətinin artması qeydə alınıb. 

Azərbaycanda deflyasiya maydan müşahidə olunur və üç aydır davam edir. Mayda ərzaq mallarının qiyməti orta hesabla 0,4%, iyunda – 1,1% azalıb. Stabil markoiqtisadi göstəricilər və malların idxalının artımı fonunda qiymətlərin azalması yay mövsümü üçün səciyyəvidir. 

Bu ildən Azərbaycanda alternativ inflyasiya hesablaması yoxdur. Ona görə ehtimal etmək olar ki, rəsmi stastistika istehlak bazarında proseslərin əks etdirilməsi üçün bu faktordan da istifadə edəcək.

Hökumət 2013-cü ildə 5% səviyyəsində inflyasiya proqnozlaşdırır. Ancaq tendensiya göstərir ki, rəsmi inflyasiya bu göstəricidən aşağı olacaq. Altı ay ərzində 25 səviyyəsində inflyasiya qeydə alınıb. 08D