İyun ayinda IMB-da qiymətlər dəyişməz olaraq qalib

İyun ayında Paytaxtin İlkin Mənzil Bazarında (İMB) qiymətlər dəyişməz olaraq qalıb. Eyni vəziyyət  Respublikanın digər böyük şəhərlərində də müşahidə edilmişdir. Hal hazırda İMB-da orta qiymət indeksi 1 kv.metr üçün təxminən 822 manat civarında qərarlaşıb. Əmlak Bazarı İştirakçıları İctimai Birliyinin hesablamalarına görə ötən ilin müvafiq dövrü ilə müqaisədə qiymət azalması-2,1%,  2008-ci ilin sentyabr ayına nisbətdə isə- -28,9% qeydə alınıb. Ay ərzində ən cəlb edici rayonlar Yasamal, Xəyai və Nəsimi rayonları оlmuşdur. Qeyd edilən üç rayon, aparılan tikinti işlərinin həcminə görə ümumi tikinti portfelinin 2/3-ni təşkil edir.

Bu sahədə çalışan mütəxəssislər qeyd edirlər ki, İMB-dakı aktivlik TMB-na nisbətən daha aşağıdır. İMB-da çalışan mütəxəssislərdən biri vəziyyəti belə şərh eydi: “TMB-da sahibkarlar öz maddi ehtiyaclarını ödəmək üçün mənzillərin ekspozisiya müddətini özləri müəyyənləşdirirlər. İMB-na təsir göstərən seqmentlər az olduğu üçün burada qiymətləri süni saxlamaq daha asandır. Hal-hazırda İMB-da satışa çıxarılan mənzillər real qiymətləndirməni əks etdirmir”. İMB-da süni qiymətləndirmənin, inhisarçılığın və digər problemlərin də mövcud olduğu vurğulanır.

Yaxın günlərdə İMB-da sabitliyin davam edəcəyi proqnozlaşdırılır.