2013cüilin yanvar-iyununda bankların kassalarına ümumi nağd vəsait mədaxili 18,164 mlrd manat olub. Bu, əvvəlki ilin müvafiq dövrü ilə müqayisədə 23,4% çoxdur. Daha çox payı xarici valyuta satışı təmin edib – 31,8%. Mal satışı 17,3%, kreditlər üzrə mədaxil 8,7%, bankomatlar vasitəsilə mədaxil 4,9%, xidmət və işə görə mədaxil 4,5%, əmlak alınan zaman notarial hesablara mədaxil 4,4% və s. paya malik olub.
Azərbaycan Mərkəzi Bankının məlumatına görə, kassa dövriyyəsinin profisiti 61 mlrd manat olub (iyunda -125 mln). Hesabat dövründə nağd pul xərcləri 18,103 mlrd manat olub. Bu, 2012-ci ilin eyni dövründəkindən 18,2% çoxdur. Ümumi xərclərdən 28,1% mal və xidmət xərcləri, 25,3% bankomatların pulla təchizatı ilə bağlı xərclər, 11,3% xarici valyuta alışı xərcləri, 7,5% kreditlər üzrə ödəniş, 5,7% əmlak əqdləri üzrə notarial hesablardan xərclər, 3,7% depozit hesabından ödənişlər və s. olub.
Altı ayda kassa qalığı 389 mln manat olub. Bu, nağd pul mədaxilinin 2,1%-dir.
Günlük nağd pul mədaxilinin orta həcmi 10,358 mln manat, xərclərin orta həcmi 100,021 mln manat olub. --15B--
İqtisadiyyat
-
Azərbaycanın Kiçik və Orta Biznesin İnkişafı Agentliyi (KOS) və İraq Ticarət Palataları Federasiyası Azərbaycan-İraq İşgüzar Şurasının yaradılması ilə ikitərəfli iqtisadi əlaqələrin gücləndirilməsi istiqamətində mühüm addımı rəsmiləşdirib. KOBİ-lərin Direktorlar Şurasının sədri Orxan Məmmədov və İraq Ticarət Palataları Federasiyasının prezidenti Əbdülrazaq Əl-Zuheyr tərəfindən imzalanmış saziş Azərbaycan-İraq Biznes Forumu çərçivəsində baş tutur.
-
Azərbaycan rəsmən ölkənin rəqəmsal transformasiyasında mühüm addım olaraq 17 sentyabrda Bakıda keçirilən tədbirdə yenilənmiş rəqəmsal hökumət platforması "myGov"-u təqdim etdi. Tədbirdə dövlət rəsmiləri, özəl sektorun liderləri, media nümayəndələri və sənaye ekspertləri iştirak edirdi.
-
İqtisadiyyat Naziri Mikayıl Cabbarov Dünya Bankının Avropa və Mərkəzi Asiya üzrə Davamlı İnkişaf üzrə Regional Direktoru Sameh Naquib Vahba ilə görüş keçirib. Görüşdə Azərbaycan ilə Dünya Bankı arasında davam edən və mümkün əməkdaşlıq sahələri nəzərdən keçirilib. Hər iki tərəf Azərbaycanın iqtisadiyyatının şaxələndirilməsi və infrastruktur inkişafına yönəlmiş birgə layihələrdən məmnunluqlarını ifadə ediblər.
-
Azərbaycan bu gün paytaxt Bakı şəhərində yenilənmiş MyGov rəqəmsal hökumət platformasını rəsmi olaraq təqdim etdi ki, bu da ölkənin davam edən rəqəmsal transformasiyasında mühüm mərhələni təşkil edir.
Rəy yaz