“Kapital Bank” ASC 2014-cü ildə buraxılmış adlı, sənədsiz, faizli, təmin edilməmiş istiqrazları ləğv edib.
“Kapital Bank”ın Mətbuat katibi Pərviz Sədrəddinov Turan-a bildirib ki, istiqrazlar ümumi xəraclar üçün deyil, birjadan kənar satış üçün nəzərdə tutulmuşdur və hazırda likvidliyin yüksək olması səbəbilə ləğv edilib. Ona görə də bu istiqrazların ləğvi ümumi istiqraz bazarına təsir göstərməyəcək.
Bank 2014-cü ilin martında hər birinin nominal dəyəri 1000 manat olan 8 min istiqraz buraxıb. QK üzrə gəlirlilik illik 5,5% olub. Dövriyyə müddəti 3 ildir və 17 mart 2017-ci ilə kimi ödənilməli idi.
Maliyyə Bazarlarına Nəzarət Palatası tərəfindən sözügedən istiqrazların ləğv edilməsi barədə qiymətli kağızların dövlət reyestrində müvafiq qeydlər edilib.
“Kapital Bank” ASC-nin nizamnamə kapitalı 185,8 mln manatdır. Banka “Pasha Holding” MMC (14 980 163 səhm, 99,86%) nəzarət edir. 19 837 səhm 180 fiziki şəxsə məxsusdur. -08B-
İqtisadiyyat
-
Dekabrın 21-də Azərbaycan və Rusiya arasında “Şimal-Cənub” beynəlxalq nəqliyyat dəhlizi ilə tranzit yükdaşımaların inkişafı məqsədilə əməkdaşlıq haqqında Saziş imzalanıb.
-
Yüzlərlə yük maşını Qazaxıstanın Kurık limanında ilişərək Azərbaycana bərə ilə keçmək üçün bir neçə gün gözləyir, lada.kz portalı xəbər verir. Bu durğunluq bərələrin azlığı, əlverişsiz hava şəraiti və Rusiyaya qarşı sanksiyaların genişlənməsi səbəbindən marşrutların dəyişdirilməsi ilə əlaqədardır.
-
Müstəqil Sənayeçilər və İş Adamları Dərnəyinin (MÜSİAD) üzvləri son üç il ərzində Azərbaycanın iqtisadiyyatına 61,3 milyon manat sərmayə yatırıb. Bu barədə "MÜSİAD Azərbaycan" İdarə Heyətinin sədri Rəşad Cabirli mətbuat konfransında bildirib.
-
Qlobal iqtisadiyyat davamlı problemlərlə üzləşdiyi bir vaxtda, Çin ilə Azərbaycan arasındakı ticarət azalma tendensiyalarını üstələyərək əhəmiyyətli artım nümayiş etdirib. Azərbaycanın rəsmi statistikasına əsasən, 2023-cü ildə iki ölkə arasındakı ticarət dövriyyəsi 3,1 milyard ABŞ dollarına çatıb. Yalnız 2024-cü ilin ilk on ayında ticarət həcmi illik hesablamada 17,1% artaraq 3,02 milyard ABŞ dollarına yüksəlib və illik ticarət göstəricisinin rekord səviyyəyə çatacağı gözlənilir.
Rəy yaz