2012-ci ilin yanvar-aprelində bankların kassalarına ümumi mədaxil 9,304 mlrd manat olub. Bu, ötən ilin müvafiq dövrü ilə müqayisədə 33,5% çoxdur.
Daha çox payı xarici valyuta satışı təmin edib – 33,5%. Mal satışı 16,4%, kreditlər üzrə mədaxil 8%, bankomatlar vasitəsilə mədaxil 5,5%, xidmət və işə görə mədaxil 4%, əmlak alınan zaman notarial hesablara mədaxil 4%, depozit hesablarına mədaxil 3,5% və s. paya malik olub.
Azərbaycan Mərkəzi Bankının məlumatına görə, kassa dövriyyəsinin kəsiri 129 mln manat (apreldə +61 mln manat) təşkil edib. Nağd pul xərcləri hesabat dövründə 9,434 mlrd manat olub. Bu, ötən ilin eyni dövründəkindən 35,7% çoxdur. Ümumi xərclərdən 28,8% bankomatların pulla təchizatı ilə bağlı xərclər, 27,2% mal və xidmət xərcləri, 10,7% xarici valyuta alışı xərcləri, 6,3% kreditlər üzrə ödəniş, 5,4% əmlak əqdləri üzrə notarial hesablardan xərclər, 3,5% depozit hesabından ödənişlər və s. olub.
4 ayda kassa qalığı 274 mln manat olub. Bu, həmin dövrdəki mədaxilin 3%-dir.
Yanvar-apreldə günlük nağd pul mədaxilinin orta həcmi 76,89 mln manat, xərclər 77,96 mln manat olub. --15B--
İqtisadiyyat
-
Azərbaycan hökuməti OPEC Fonduna bir sıra bərpa olunan enerji layihələrinin, o cümlədən dəniz külək enerjisinin inkişafı, "yaşıl enerji dəhlizi" təşəbbüsləri və SOCAR-ın Birləşmiş Ərəb Əmirliklərindən Masdar şirkəti ilə birgə həyata keçirməyi planlaşdırdığı 1 QVt gücündə layihənin maliyyələşdirilməsində iştirak etməyi təklif edib.
-
14 noyabr tarixində keçirilən COP29 tədbirində "Cənubi Qafqaz və Mərkəzi Asiyada İqlim Maliyyələşdirilməsi Mənzərəsi" mövzusunda çıxış edən Dünya Bankının Cənubi Qafqaz üzrə regional direktoru Roland Prays, Cənubi Qafqaz ölkələrinin üzləşdiyi əhəmiyyətli iqtisadi və ekoloji zərərləri vurğuladı və bu rəqəmi illik təxminən 100 milyon ABŞ dolları həcmində dəyərləndirdi.
-
SOCAR-ın törəmə müəssisəsi olan SOCAR Green, COP29 sammitində Azərbaycanda bərpa olunan enerji mənbələrinin inkişafını gücləndirmək, enerji səmərəliliyini artırmaq və dayanıqlı inkişafı təşviq etmək məqsədilə bir sıra sazişlər imzalayıb.
-
İslam İnkişaf Bankı (İİB) iqlim dəyişikliyi ilə mübarizədə islam bankçılıq resurslarının səfərbər edilməsini gücləndirir. Bu barədə cümə axşamı COP29 çərçivəsində keçirilən dəyirmi masada İİB prezidenti Məhəmməd Süleyman Əl-Cəssər bildirib.
Rəy yaz