Dövlət strukturları saytları hesabat xatirinə açır

Dövlət strukturlarının informasiya resurslarının monitorinqi onların əlçatanlığının çox aşağı olduğunu göstərir, deyə «Obyektiv TV»yə (obyektiv.tv) müsahibəsində Multimedia Mərkəzinin prezidenti Osman Gündüz bildirib. Bu təşkilatın 64 sayt üzrə yarım illik icmalı göstərib ki, 100 ballıq şkala üzrə orta açıqlıq dərəcəsi 33,5%-dir. Ötən il daha pis imiş – 27%. 

   Onun sözlərinə görə, Vergilər Nazirliyinin saytının 71% açıqlığı təəccüblü deyil. Çünki beynəlxalq strukturlar biznesin aparılmasının şəffaflığı ilə maraqlanırlar. Qalan hökumət və dövlət resursları üzrə vəziyyət pisdir – Nazirlər Kabineti və Müdafiə Nazirliyi potensial istifadəçilərə 6-7%, dövlət başçısının administrasiyası, parlament, Ali və Konstitusiya məhkəmələri 30% açıqdır. 

   İcra hakimiyyətinin yerli aparatları əhali üçün daha açıq olmalıdır. Çünki məişət problemlərinin çox hissəsi onların struktur bölmələrində həll edilir. Amma monitorinq göstərib ki, daha şəffaf olan Binəqədi rayonunda və Bakı ŞİH-də əlçatanlıq 21%, Abşeron rayonunda 1,5%-dir. 

   Regionlarda bu vəziyyət bir qədər yaxşıdır. Şəkidə İH-nin resursu 34% doldurulub. 

   Prezidentin bu ilin 23 may tarixli “Elektron hökumət” layihəsi çərçivəsində dövlət strukturlarının elektron resurslarının formalaşdırılmasının gücləndirilməsi barədə fərmanı vəziyyətə yaxşı təsir edib. Amma dövlət strukturlarının informasiya açıqlığı üzrə vəziyyət “İnformasiya azadlığı haqqında” qanunun standartlarından geri qalır. Bu, onu göstərir ki, dövlət başçısının iradəsi məmurlar üçün qanundan daha mühümdür. 

   «Dövlət strukturları çox vaxt nominal elektron xidmət göstərir, istehlakçı onların saytlına daxil olur, amma istifadə edə bilmir», - deyə Gündüz bildirib. 

Onun müşahidələrinə əsasən, bu portalların dövlət və hökumət strukturlarının vahid informasiya şəbəkəsinə inteqrasiyası da zəifdir – cəmi 16 təşkilat inteqrasiya olunub.--17D--