«Kempinski» Azərbaycandan gedir
İndiyədək “Kempinski Hotel Badamdar” kimi tanınan oteldən Turan-a bildiriblər ki, “Kempinski” şirkəti ilə “Kempinski Otel Badamdar”ın sahibkar şirkəti bununla bağlı razılığa gəliblər.
Razılaşmaya əsasən, tərəflər aralarındakı idarəçilik müqaviləsini iyulun 31-dən bitirəcəklər.
İdarəçilik müqaviləsi ləğv edildiyindən otel daha Kempinski adını daşımayacaq, fəaliyyətinə “Badamdar Hotel Baku” adı ilə davam edəcək.
“Kempinski Hotel Badamdar” 2011-ci ilin sentyabrında işə düşmüşdü. O Bakıda “Kempinski” beynəlxalq otellər şəbəkəsinin ilk resort oteli idi.
Otelin imkanlarına 280 otaq və lüks otaqlar, 38 tam təchiz olunmuş və xidmət göstərilən mənzil, 36 tam təchiz olunmuş ofis, 19 görüş otağı, ziyafət və auditoriya zalları, restoran, barlar daxildir.
Oteldə 3500 kvadratmetr sahəsi olan SPA ve fitness mərkəzi, qapalı və açıq hovuz, tennis kortu, basketbol meydançası, əyləncə mərkəzi və Akvapark fəaliyyət göstərir.
Son zamanlar xeyli tanınmış xarici şirkət Azərbaycanı tərk edib.
Vergilər Nazirliyinin iki həftə əvvəl yaydığı bilgidə deyilirdi ki,Royal Dutch Shell PLC, Rusiyanın “AKTAVİS”, Böyük Britaniyanın “Bİ CEY SERVİSEZ KOMPANİ MİDL İST LİMİTED” və İsveçrənin “SCHERİNG-PLOUGH CENTRAL EAST AG” şirkətləri Azərbaycandakı nümayəndəliklərini ləğv ediblər
Bundan əvvəl Türkiyə-Küveyt birgə müəssisəsi “Turkapital Holding”, Sinqapurun “Petro Singapore Trading PTE Ltd.” və Belçikanın yeyinti məhsulları şirkəti “Puratos” Azərbaycanı tərk etmişdi.
Fransanın “Technip Maritime Overseas LTD” və İtaliyanın “Maccaferri Azerbaijan” MMC şirkətləri də Azərbaycanda fəaliyyətlərini dayandırıblar.
Müstəqil iqtisadçılar bunu ötən il ölkədə 2 devalvasiyanın baş verməsi və əhalinin alıcılıq qabiliyyətinin aşağı düşməsi ilə izah edir.
İqtisadiyyat
-
Son hesabatlara və müsahibələrə görə, Azərbaycanda son aylar pomidor qiymətlərində nəzərəçarpacaq artım müşahidə olunub ki, bu da əsasən yanacaq xərcləri və ya hava şəraiti kimi xarici amillərdən daha çox bazar inhisarçılığı ilə bağlıdır.
-
Azərbaycanın aqrar sektorunda 2024-cü ilin birinci yarısında 6 milyard 19 milyon manatlıq məhsul istehsal olunub ki, bu da ötən ilin eyni dövrü ilə müqayisədə 0,3 faiz çoxdur. Hesabatda kənd təsərrüfatının müxtəlif seqmentləri üzrə birmənalı olmayan dinamika vurğulanır, heyvandarlıqda artım, bitkiçilikdə azlama var.
-
Azərbaycan Respublikasının Nazirlər Kabineti iyulun 30-da Konstitusiyanın 119-cu maddəsinin səkkizinci bəndi əsasında qəbul etdiyi qərara əsasən, vergi ödəyicilərinə vergi orqanında olan digər vergi ödəyiciləri haqqında bəzi məlumatların əldə edilməsinə imkan verən yeni qaydaları təsdiq edib. Bu addım Prezidentin Vergi Məcəlləsinə dəyişiklik edən 5 dekabr tarixli 1033-VIQD nömrəli Fərmanının 2023-cü yarımbəndinin icrasına yönəlib.
-
Azərbaycan Standartlaşdırma İnstitutu (AZSTAND), ölkənin quşçuluq sənayesindəki çatışmazlıqları aradan qaldırmaq və istehsal keyfiyyətini artırmaq məqsədilə, AZS 956:2024 "Toyuq əti (toyuq cəsədləri, toyuqlar, broyler toyuqlar və onların hissələri): Texniki şərtlər" adlı yeni dövlət standartını qəbul etdiyini elan etdi.
Значит ли ликвидация Исмаила Хании начало большой войны против Израиля? - беседа с Аркадием Дубновым
Xəbər lenti
-
- Cəmiyyət,
- 12:51
- 203
Rəy yaz