Bu ilin I rübündə Azərbaycanda kənd təsərrüfatı istehsalının həcmi 629,3 mln manat təşkil edib. Bu, sabit qiymətlərlə ötən ilin eyni dövründəkindən 3,4% çoxdur. ÜDM strukturunda kənd təsərrüfatı istehsalının xüsusi çəkisi 2,4%-dən 3%-ə artıb.
Heyvandarlıq məhsulları 5,9% artıb. Diri çəkidə 110 min ton ət (+2,5%), 426,9 min ton süd (+4,3%) və 390,1 mln yumurta (+5,1%) istehsal edilib.
Aprelin 1-i üçün iribuynuzlu mal-qara sayı 2,7 mln baş (+0,2%), qoyun və keçi sayı 8,7 mln baş (1,6%) olub.
Kreditlər quşçuluğa müsbət təsir edir. I rübdə diri çəkidə 16,6 min ton quş əti (+5%) və 176,3 mln yumurta (+8,6%) istehsal edilib. 08D
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz