Kənd təsərrüfatı istehsalı 4,9% artıb

Bu ilin 9 ayında Azərbaycanda kənd təsərrüfatı istehsalı 4,4 mlrd manat təşkil edib. Bu, ötən ilin eyni dövründəkindən 4,9% çoxdur. 

Dövlətstatkomun məlumatına görə, heyvandarlıq məhsulları istehsalı 5,5%, bitkiçilik məhsulları istehsalı 4,3% artıb.

Yumurta istehsalı 1 mlrd ədədi (+15,1%), süd istehsalı 1,38 mln tonu (+6,6%) keçib. Ət istehsalında sabitlik var: ilin əvvəlindən diri çəkidə 358 min ton ət istehsal olunub. Bu, ötən ilin eyni dövründəkindən 3,8% çoxdur. DSK-un verdiyi məlumata görə, bu il diri çəkidə 49,2 min ton quş əti və 409 mln ədəd yumurta istehsal olunub. Ötən ilin eyni dövrü ilə müqayisədə mal-qara sayı 1% artıb. Ölkədə 2 728 min iribuynuzlu, 8 771 min qoyun və keçi var. 

Bu il dənli və dənli-paxlalı (qarğıdalı istisna) bitkilərin əkin sahəsi 3,9%, məhsul 5% artıb və 2 619 min tona çatıb. Oktyabrın 1-i üçün 145,5 min ton qarğıdalı yığılıb. Bu, ötən ilin eyni dövründəkindən 1,3% çoxdur. Həmçinin 17,7 min ton günəbaxan toplanıb. 

Bu il kartof istehsalı 3,7% artaraq 948 min tona çatıb. Tərəvəz istehsalı məhsuldarlıq (1 ha-dan 151 sentner, plyus 1 s) hesabına artıb və oktyabrın əvvəli üçün 1 137,8 min ton olub. Bostan bitkiləri də artıb: əkin sahəsinin 1,4 min ha azalmasına baxmayaraq, məhsuldarlıq 1 ha-dan 8 s olmaqla 427 min ton məhsul yığılıb (+0,7%). --08D—