![Kənd təsərrüfatı istehsalı templəri zəifləyir](https://turan.az/resized/media/2013/main/122500063176-750-500-resize.webp)
Kənd təsərrüfatı istehsalı templəri zəifləyir
Bu il Azərbaycanda kənd təsərrüfatı istehsalı 4,8% artıb. 2012-ci ilin 11 ayı ilə myqayisədə istehsal tempi 0,9% aşağı düşüb. Mütəxəssislər iddia edir ki, bəzi kənd təsərrüfatı məhsulları növləri ilə bağlı statistika bir qədər şişirdilib.
Dövlət Statistika Komitəsinin məlumatına görə, kənd təsərrüfatı istehsalı həcmi 4 990 mln manat təşkil edib. kənd təsərrüfatının ÜDM strukturunda xüsusi çəkisi 5,3% təşkil edib, bu da 2012-ci ilin müqaüisə edilən dövrünün göstəricisindən 0,2% punkt yüksəkdir.
Bu il bitkilərin istehsalı 4%, heyvandarlıq məhsullarının istehsalı 5,5% artıb. Bu il günəbaxan (-9,9%), pambıq (-22%) və tütün (-20%) istehsalı azalıb.
Dövlət Statistika Komitəsinin məlumatına görə, bu il 65,3 min ha kartof əkilib, bu da 2012-ci ildə olduğundan 0,5 min ha azdır. Ancaq bu DSK-ə kartof istehsalı həcmini 992,7 min ton səviyyəsində hesablamağa mane olmayıb, bu da ötən ildən 2,4% (24 min ton) çoxdur. Belə həcmlərlə son aylarda kartofun pərakəndə satış qiyməti təxminən 2 dəfə artıb və 1 kq 1,2-1,5 manat təşkil edib. 2012-ci ilin kartof balansına əsasən, kartofun qidada istifadəsi 668 min ton təşkil edib. Dövlət Gömrük Komitəsi 76,6 min ton idxal, 58,8 min ton ixrac qeydə alır. İtkilərin illik həcmi 61,7 min ton yaxud istehsalın 6,3%-i təşkil edib. Yerli istehsal barədə faktların şişirdildiyini mütəxəssislər də təsdiq edir. kənd təsərrüfatı nazirinin keçmiş müavini İslam İbrahimovun sözlərinə görə, ölkədə xroniki katrof çatışmazlığı defisiti yaşanır. O qeyd edib ki, kartofun qiymətinin kəskin bahalaşması həmçinin kartof əkənlərin yanacaağın qiymətinin bahalaşmasına cavabıdır. Ancaq bu əsasən süni şəkildə yaranan hadisədir. Qeyd edək ki, DGK hər kiloqramm kartofun idxalına görə 0,42 manat rüsum alır. 08B
-
- İqtisadiyyat
- 25 Dekabr 2013 14:18
-
- İqtisadiyyat
- 25 Dekabr 2013 14:32
İqtisadiyyat
-
Rəşad Hüseynov Kənd Təsərrüfatı Nazirliyinin tabeliyində olan Aqrar Tədqiqatlar Mərkəzinə (ATM) yeni direktor təyin edilib. O, 2019-cu ildən mərkəzə rəhbərlik edən Firidusi Fikrətzadəni əvəz edib. Fikrətzadə iyunun 10-da öz istəyi ilə vəzifəsindən ayrılıb.
-
İyulun 1-dən avtobuslarda və metroda gediş haqqı 10 qəpik bahalaşaraq 50 qəpik olub. Bakı-Sumqayıt istiqamətində avtobusda gediş haqqı isə 60 qəpikdən 70 qəpiyə yüksəlib. Amma qiymət artımından sonra keyfiyyətdə heç bir dəyişikliyin olmadığı bildirilir. Şikayətlərə görə, periferiyada fəaliyyət göstərən avtobuslarda kondisionerlər işləmir, sıxlıq davam edir.
-
Azərbaycan Respublikası Dövlət Neft Şirkətinin (SOCAR) Prezidenti Rövşən Nəcəf, Sloveniya Ətraf Mühit, İqlim və Energetika Naziri Bojan Kumer ilə ikitərəfli enerji sektorunda əməkdaşlığı müzakirə etmək üçün görüş keçirdi.
-
Azərbaycanın energetika naziri Pərviz Şahbazov Dünya Bankının Cənubi Qafqaz üzrə regional direktoru Roland Praysın rəhbərlik etdiyi nümayəndə heyəti ilə görüşərək enerji sektorunda əməkdaşlığın inkişafını müzakirə edib.
Rəy yaz