2016-cı ilin I rübündə Azərbaycan kənd təsərrüfatı mallarının ixracını 26,2% artırıb. Ölkədən tərəvəz ixracı isə 4,5 dəfə artıb, deyə Kənd Təsərrüfatı Nazirliyində Turan-a bildiriblər.
Üç ayda 13 513 ton tərəvəz ixrac edilib. Bu, ötən ilin eyni dövrünün göstəricisindən 10,6 min ton çoxdur. İxrac coğrafiyası barədə məlumat verilmir. Hərçənd məlumdur ki, istixana şəraitində yetişdirilən pomidor və xiyar əsasən Rusiyaya tədarük edilir. Tərəvəz ixracından $14,1 mln (+4,9 dəfə) əldə edilib.
Tərəvəzdən fərqli olaraq, meyvə ixracı (18 637 ton) 18,9% azalıb.
Tütünçülər ixracatı artırıb. I rübdə xarici tütün şirkətlərinə 860 ton fermentləşdirilmiş tütün (+61,2%) satılıb. Bir ton tütün $4245-a (+14,1%) satılıb.
İlin əvvəlindən 3967 ton pambıq ixrac edilib. Bu, ötən ilin eyni dövrünün göstəricisindən 3053 ton çoxdur. Bir ton pambıq $1495-a satılıb. Bu, ötən ilkindən 13,1% ucuzdur. İlin əvvəlindən 3 ayda kənd təsərrüfatı məhsullarının ixracı (dəri sənayesi nəzərə alınmaqla) $11,2 mln artaraq $54,2 mln təşkil edib. 08B
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz