Kənd Təsərrüfatı Nazirliyi kənd təsərrüfatının inkişafının aktual problemlərinin həllinə dair təkliflər hazırlayıb, təkliflər yanvarın 27-də regionların sosial-iqtisadi inkişafı dövlət proqramının icra edilməsinə dair konfransda səsləndirilib.
Kənd təsərrüfatı naziri Heydər Əsədov aqrar sektorun inkişafının əsas vəzifəsi kimi Toxum fondunun yaradılmasını və təkrar əkinin stimullaşdırılmasını göstərib.
Mütəxəssislərin fikrincə, Azərbaycanda dənli bitkilərin məhsuldarlığının səbəblərindən biri əkin materialı kimi aşağı reproduksiyalı toxumların istifadə edilməsidir.
Kənd Təsərrüfatı Nazirliyindən Turana bildiriblər ki, 300 min hektarda yem bitkilərinin təkrar əkini üçün potensial var. İlkin mərhələdə bu potensialın üçdə birini istifadə etmək olar. Ancaq nazirlikdə hesab edirlər ki, bunun üçün fermerlərə yanacaq və motor yağlarının istifadə xərci üçün subsidialar verilməlidir.
Bu gün 1990-cı illərin ortasında torpaq islahatı nəticəsində sahibkar olan minlərlə kəndli əkinçiliklə məşğul olmur. Kənd Təsərrüfatı Nazirliyində hesab edirlər ki, belə sahibkarlara qarşı «müvafiq tədbirlər» görmək lazımdır. Hansı konkret tədbirlərin nəzərdə tutulduğu barədə məlumat verilmir.-0-
İqtisadiyyat
-
Nazirlər Kabineti dövlət büdcəsi hesabına maliyyələşdirilən büdcə sahəsi işçilərinin aylıq əməkhaqqının müəyyən edilməsi üçün yeni Vahid Tarif Cədvəlini təsdiqləyib. Bu qərar, 26 dekabr 2024-cü ildən qüvvəyə minən 540 nömrəli Qərarda əks olunub və dövlət sektorunda əməkhaqqının standartlaşdırılmasına yönəlib.
-
Dekabrın 27-də Azərbaycan Prezidenti İlham Əliyev Azərbaycan Sənaye Korporasiyasının (ASK) ləğv edilməsi və əsas aktivlərinin Azərbaycan İnvestisiya Holdinqinə (AİH) verilməsi barədə sərəncam imzalayıb. Bu qərar dövlət müəssisələrinin idarə edilməsini təkmilləşdirmək üçün mühüm addım olaraq qəbul edilir. Qərar dərhal qüvvəyə minir və tənzimləmə məsələlərinin həlli ilə yanaşı, əməliyyatların səmərəliliyini artırmağı hədəfləyir.
-
Prezident İlham Əliyev 27 dekabrda 2025-ci il Dövlət Sosial Müdafiə Fondu büdcəsi haqqında qanunun tətbiqi barədə fərman imzalayaraq, fondun maliyyə çərçivəsinin səmərəli icrasını təmin etmək üçün tədbirlər müəyyən etdi.
-
Azərbaycan Respublikasının Prezidenti İlham Əliyev, Milli Məclis tərəfindən 16 dekabr 2024-cü ildə təsdiq edilmiş 98-VIIQD nömrəli qanuna əsasən, ölkənin Vergi Məcəlləsinə edilən dəyişikliklərin tətbiqi ilə bağlı fərman imzalayıb. Cümə günü dərc olunan fərman, vergi inzibatçılığının optimallaşdırılması və yenilənmiş qanunvericilikdə nəzərdə tutulan hüquqi çərçivənin gücləndirilməsi məqsədi daşıyır.
Rəy yaz