Kərə yağının idxal rüsumunun azaldılmasından nə gözləmək olar?

Bakı/08.11.17/Turan: Nazirlər Kabinetinin kərə yağı və süd məhsullarının idxal rüsumunun üç dəfə azaldılması barədə qərarınından yaranan eyforiya məyusluqla əvəzlənə bilər.

Qeyd edək ki, 2017-ci ilin dekabrından bu məhsulların idxal rüsumu 15%-dən 5%-ə azaldılıb. Qərar 31 dekabr 2019-cu ilə kimi qüvvədə olacaq.

Mağazalarda yağın kəskin ucuzlaşması gözlənisinə baxmayaraq, ucuzlaşma cüzi olacaq.

Əvvəllər Turan yazmışdı ki, idxal rüsumu yağın bahalığına təsir edən amillərdən yalnız biridir. Əsas amil isə idxaldakı inhisarçılıqdır. Məhz buna görə bu məhsul qonşu ölkələrdəkindən xeyi baha satılır http://www.turan.az/ext/news/2017/-/free/markets/ru/118404.htm.

İqtisadçı Qubad İbadoğlu "Facebook" səhifəsində yazıb ki, rəsmi məlumatlara görə, ölkəyə 1 kq Yeni Zelandiya yağı 5 manat 34 qəpiyə ixdal olunur. Rüsum endirldikdən sonra 1 kq kərə yağının qiyməti orta hesabla 63 qəpik ucuzlaşa bilər.

O bildirib ki, Azərbaycana kərə yağı 15 ölkədən idxal olunur. Bunun 85 faizi Yeni Zelandiyanın payına düşür.

Ən ucuz yağ Estoniyadan - 2,62 dollar, ən baha yağ Lüksemburqdan - 10,18 dollar idxal edilir.

İndiki məzənnə ilə Yeni Zelandiya yağı 5 manat 33 qəpiyə başa gəlir. Nəticədə 1 kq yağın orta qiyməti 6 manat 80 qəpik təşkil edir.

"Dövlət Gömrük Komitəsi 1 kq kərə yağının 8 manat 84 qəpiyə idxal olunduğunu açıqlayıb. Ola bilər ki, DGK bu zaman həm də idxal rüsumları və əlavə dəyər vergisi (ƏDV) də həmin qiymətə daxil edib. Belə olan halda 5 manat 34 qəpik gömrük dəyəri olan Yeni Zelandiya yağı üçün əvvəlki qaydalara görə hesablanan 15 faiz gömrük rüsumu 80 qəpik edir, onu da əlavə edəndə gömrük dəyəri və rüsumlar birlikdə 6 manat 14 qəpik olur. Bu məbləğə hesablanan ƏDV 1 manat 10 qəpiyə bərabər olur. Belə olan halda idxlatçı şirkət Yeni Zelandiya mənşəli kərə yağını gömrükdən 7 manat 24 qəpiyə (6 manat 14 qəpik + 1 manat 10 qəpik) çıxarmalıdır", - deyə Q.İbadoğlu qeyd edir.

Ekspert hesab edir ki, mağazalarda yağın ciddi ucuzlaşması gözlənilmir. "Göründüyü kimi, rüsumun 3 dəfə aşağl salınması hesabına 1 kq kərə yağı digər şərtlər nəzərə alınmadığı halda orta hesabla 63 qəpik ucuzlaşa bilər. Bu isə o kərə yağının satışında qədər də böyük endirimə gətirib çıxarmayacaq. Hesab edirəm ki, 1 aydan sonra başlayan 50-60 qəpiklik ucuzlaşma qısa müddətli dövrdə müşahidə olunacaq və çox keçmədən qiymətlər yenə də əvvəlki səviyyəsinə qayıdacaq", deyə o bəyan edib.

Qeyd edək ki, oktyabrda ekspertlər, o cümlədən Natiq Cəfərli ilə Gömrük Komitəsi arasında kərə yağının əsassız bahalığı ilə bağlı disskusiya oldu. Ekspert Dövlət Gömrük Komitəsini yağ idxalında inhisarçılıqda ittiham etdi.

N.Cəfərli Yeni Zelandiya yağının Azərbaycanla Gürcüstandakı qiymətləri arasında 40% fərqi (18 və 10 manat) izah etməyi tələb etdi.

Nazirlər Kabinetinin qərarından sonra Cəfərli "Facebook" səhifəsində qeyd edib ki, "indi həll edilməmiş bir məqam qalır - rəqabətli və ədalətli mühit yaradılması". -71D-