Kinoteatra gedənlər artır

Son 3-4 ildə film göstərən obyektlər artır. Bu isə kinoprokatın yüksək rentabelliliyindən xəbər verir. Dövlətstatkoma görə, 2013-cü ildə kinoseanslara gedənlərin sayı 2,6 dəfə artıb. 

Rəsmi məlumata görə, 2013-cü ildə 183,9 min nəfər kinoteatra gedib. Bu, 2012-ci ildəkindən 114,6 min nəfər çoxdur. Ölkənin hər 1000 sakininə 2013-cü ildə 20 kinoman düşüb.

Bakının ən böyük kinoteatrı 2010-cu ilin oktyabrında açılan “Park Cinema”dır. 6 zalı və 789 yeri olan kinoteatr “Park Bulvar”ın 4-cü mərtəsindədir. Kinoteatr “Kaspian Kapital” QSC-yə məxsusdur. Bu şirkət “Metro Park”, “Amburan” və “Zuğulba” kinoteatrlarını da idarə edir. Yaxın vaxtlarda Bakıda Flame Towers kinoteatrı da açılacaq.

Dekabrın sonunda yenidənqurmadan sonra «Nizami» kinoteatrı da açılıb. O, kino mərkəzi statusu alıb. «Nizami» kinoteatrının 6 mərtəbəsində Azərbaycanda ən böyük film nümayişi obyekti var. Burda 50, 80 və 500 yerlik 3 zal, 24 yerlik VİP-zal var. Kino mərkəzin mətbuat xidməti Turan-ın seans tezliyi, maliyyə fəaliyyəti  barədə yazılı sorğusuna cavab verməyib.

2012-ci ildə naməlum səbəbdən Azərbaycanda ilk müasir kino mərkəzi - «Azərbaycan» kinoteatrı bağlanıb. O, 1998-ci ildən Azərbaycan Beynəlxalq Kino Şirkətinin idarəçiliyində idi (İngiltərə-Azərbaycan BM). Birgə müəssisə bağlanıb, kinotetrın qapısı bağlanıb. 320 yerlik 3 zal boş dayanıb.

Hər gün kinoteatrların zallarında 3-4 seans nümayiş etdirilir. Biletin qiyməti 4-8 manatdır.

Dövlətstatkomun məlumatına görə, Bakıda 6, o cümlədən Nəsimi rayonunda 4, Səbaildə 1 və Nizami rayonunda 1 kino obyekti var. 2013-cü ildə Nəsimi rayonundakı kinoteatrlar 157,6 min tamaşaçı qəbul edib. Naxçıvan MR-da 2 kinoteatr var. Onlar 2013-cü ildə 13,4 min tamaşaçı qəbul edib.

2008-cü ildə Azərbaycanda kino obyektlərinin özəlləşdirilməsinə bşlayıb. 2008-2013-cü illərdə hərraclarda 71 kinoteatr satılıb. 08B

Rəy yaz

İqtisadiyyat

Bizi sosial şəbəkələrdə izləyin

Xəbər lenti